يـا يـوه قــدرك شــايـله فـوق الأعنــــاق***مــا نــزلــه نــذرٍ عــلـيَ لــــزمـــه - °~*¤®§(§ شبـــكة ويــلان العـربـيـه §)§®¤*~ˆ°

**صالح المزيني** · 02/04/10, (10:11 PM)

السلام عليكم ورحمة الله وبركاته

هذه القصيدة كتبتها في والدتي أطال الله في عمرها عسى أن ترتقي لذائقتكم

لو كل من يكتـب علـى بيـض الأوراق=مـا ظنتـي يوفيـك حقـك يـا يـمـه
حبك يايمـه فـي خفوقـي تـرى فـاق=حـب البشـر هـذا الـكـلام ابمتـمـه
يا يـوه قـدرك شايلـه فـوق الأعنـاق=مـا نـزلـه نــذرٍ عـلـيَ لـزمـه
أنتي سهرتي الليل لـي وقـت الإشـراق=تسعـة شهـورٍ مــا تنامـيـن يـمـه
حنـا تعلمنـا كثيـر مــن الأخــلاق=والديـن وعـلـوم الشريـعـه بهـمـه
لرضـاك يـا يمـة أنـا حيـل مشتـاق=ريـح الرضـاء يـا يـوه دايـم أشمـه
كل يحـط أمـه علـى روس الأشهـاق=يطيـعـه و قـولـه لــزومٍ يـتـمـه
يا اللي عصيت أمك ترى الدرب بك ضاق=وضاقت بـك الدنيـا علـى كـل يمـه
لا تصير في دنيـاك عايـش ولا تطـاق=مـا غيـر أكـل و نـوم وقـرشٍ تلمـه
وأحذر ترى الدنيـا بهـا جمـع وفـراق=لـو عالجتـك اليـوم بـاكـر تسـمـه
وترى الرجل يصبر على كسـرة السـاق=وما ظنتـي يصبـر علـى عقـة أمـه
وصلوا على خيـر البشـر عـد بـراق=وأعـداد مـا حـرٍ رقـى رأس قـمـه

وسلامتكم

أبو فهد

صالح المزيني

**سعود المسعودي** · 03/04/10, (01:15 AM)

صالح المزيني

صح الله لسانك وتعلا شانك

وتسلم و الام مهما نكتب عنها ابد ما نوفيها حقها

**صالح المزيني** · 04/04/10, (09:49 PM)

اقتباس:

المشاركة الأصلية كتبت بواسطة سعود المسعودي

صالح المزيني

صح الله لسانك وتعلا شانك

وتسلم و الام مهما نكتب عنها ابد ما نوفيها حقها

سعود المسعود

صح بدنك يالغالي

ومن قال يسلم وكما قلت الأم مهما نكتب عنها لن نوفيها حقها

لكن لابد أن الشخص يعبر عن ما بداخله تجاهها

**بدرفهد الجعفري** · 03/04/10, (02:18 AM)

الله يجزاك خير ويحفظ لك امك ان شاء الله

ويرزقك فضل برها وخدمتها

قصيده صادقه وجميله صح لسانك

**صالح المزيني** · 04/04/10, (09:51 PM)

اقتباس:

المشاركة الأصلية كتبت بواسطة بدرفهد الجعفري

الله يجزاك خير ويحفظ لك امك ان شاء الله

ويرزقك فضل برها وخدمتها

قصيده صادقه وجميله صح لسانك

بدر الجعفري

آمين يا رب وصح بدنك

مرورك شرفني يالغالي

**سعد النفج** · 03/04/10, (02:58 PM)

صالح المزيني ..
الله يخلي لك الوالده و يطوّل بعمرها و يعينك على البر بها ..
و صح لسآنك ..
ابدعت يا ابو فهد بالنص ..
مبدع بجميع أغراض الشعر ..
دمت بخير و دام تواصلك ..

**صالح المزيني** · 04/04/10, (09:54 PM)

اقتباس:

المشاركة الأصلية كتبت بواسطة سعد النفج

صالح المزيني ..
الله يخلي لك الوالده و يطوّل بعمرها و يعينك على البر بها ..
و صح لسآنك ..
ابدعت يا ابو فهد بالنص ..
مبدع بجميع أغراض الشعر ..
دمت بخير و دام تواصلك ..

سعد النفج

الله يجزاك خير الجزاء

صح بدنك يالغالي والإبداع بتواجدك

مرورك شرفني