تعــــرى الحــــــال

[سطام مشهور الايداء]

يغيب الطيش وتغيب القرى واودع الأحلام = يغيب الشعر ف غيابه نسيت وعود خلاني
يقولون السفر وين السفر من حلة الأوهام = وانا أغيب اتشظا والجمر رمد على اجفاني
ذكرت اللي يساورها اليقين بحرقة الانسام= هي اصدق من لمس هالحزن لا غيب بوجداني
يمر هذا الشقا في غيابها والعام يتلا العام = وانا لا جيت ابنسى شفتها في نظرة اخواني
اخيل افراحهم اشباح تركض لي بدون اقدام = تلبسني وانا مالي سوى طعنات حرماني
خلا من طيبها بيتٍ نما من شوفة الارحام=خلا هذا الفضا من حسها من صوت جيراني
خذت هالناس من راحت ولا باقي سوى الايام = اشب فيها الدعاء يالله ثبتني على ايماني
تطهر روح لامرت وتركع لله العلام= الين ادفا على جال الحنين وتذبل احزاني
بكى طفل وتنهد شايبٍ لاهو بكى ما نلام = وبكيتك بس انا وشلون بعدك ينطق لساني
سنين الراحلين حسابها ماينحسب بارقام = متى سال الخفوق بشوقهم وشلون ابى القاني
ابكتب سيرتك واخاف يمه كذبة الاقلام= وانا لامن بغيت اسج عنك يخون نسياني
تعرى الحال طحت من العنا محتاج روحي تنام = على صدرك وصدرك فيه كل ناسي وخلاني
يغيب الشعر وتغيب القرى واودع الاحلام = اذا كان المقام اكبر من احزاني وقيفاني

[أبو غرام]

الله وأكبر عليك

مرثية من طراز فخم

احزنتنا يا شاعرنا الجميل
.
.

جميل هذا الحضور والاجمل الروح التي كتبته

اسال الله لها الجنه ولنا ولكافة المسلمين

ونساله تعالى الثبات .. ويامقلب القلوب
ثبت قلوبنا على دينك

مشاعر فياضه اخي .. اخرجتها لنا في قالب ولا اروع

جل ما املكه الان

صح لسانك ولا تكفي

لك كل ود وتقدير ...

وسجلني من متابعيك اخي سطام

اخوك

ابو غرام

[طلال معيض]

صح لسانك يالشاعر سطام

كتبت فتالقت فابدعت حتى وانت في قمة الحزن وفراق من تسوى الدنيا باكملها تتفنن
قصيده في غاية الجمال والروعه لاهنت

تقبل تحياتي

[غموض الشمال]

صح لسانك أخوي
قصيده معبره وجميله لو طغى عليها الحزن
الله يرحمها ويغفر لها..ويجعلها آخر احزانك

تقديري لك

[سالم صالح]

راااااااااائع ومبدع


سطام المشهور


صح السانك رغم الالم والحزن الا انك اجدت في صياغة النص وتستحق من هي فيه واكثر رحمها الله واسكنها فسيح جناته


ومهما كتبت لن توفيها حقها


تقبل تقديري وودي لك

[بدرفهد الجعفري]

ما اجمل هذه المصافحه الجميله من شاعر جميل

صح لسانك

[تركي صالح]

قصيده تحمل الحزن والحنين والحب

ترجمها شاعرنا المبدع سطام الايداء

ونثرها لنا هنا لنقول له ابدعت بهذه القصيده

ولاكن والاهم هو ان نقول لك

رحمها الله وأسكنها قسيح جناته