جديد ضيدان بن قضعان لعيوونكم !! - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 13/03/10, (12:16 AM)

السلام عليكم ..

أسعد الله أوقاتكم بكل خير ..

كلنا نترقب جديد الشاعر ضيدان بن قضعان دائماً ..

واليوم جايب لكم قصيده جديده طاااااازه

" رحله سعيدهـ "

يفعل الله ما يشـاه ومـا يريـده
والبنادم مالـه إلا مـا كِتـب لـه

ذعـذع الغربـي بنفحـاتٍ فريـده
والنظر قِبله ووجـه العبـد قِبلـه

والشعر قدلي مصـدٍ مـن جديـده
سامحٍ سماح ابو جعشه امن ابلـه

مبطي ٍ ماقلت لـي جملـه مفيـده
لو قراح الشعر فوقي هـل وبلـه

وينشد الملقـوف بلسانـه وبيـده
وش جدايد ما كتب عنتـر لعبلـه

ومن نشدني قلت له رحله سعيـده
جنب اللي ما يبي ياكـود سبلـه

يوم عاد الشعر مذيـاع وجريـده
ومن سمع وإلا قرا شيٍ طرب لـه

صدت منه اللي هداني الله اصيـده
وإن قطف لي يانعه وفـرت ذبلـه

وخذت منه أغلى مزاياه الحميـده
واتفقنا ينتسب لي وانتسـب لـه

كم رقابي فـوق نظـراتٍ بعيـده
يوم مات الليث قبـل يتـم شبلـه

وكم خذاني في رضا العمّه زبيـده
وصغت لارضاها كذا اسواره ودبله

وكم نكبني الشعر في أخطر مكيده
وعشت قولة من تردا لك اسطب له

لين ربي سـاق للمسيـود سيـده
وارتكاله وارتواله واحتطـب لـه

وشاعرٍ لا قام ما يرفـع رصيـده
لا يوقف ماقفٍ مـا ينحسـب لـه

بس دام الشعـر موجاتـه عديـده
وتعرف لـه كـل تلميـذه وأبلـه

فالجهاز النت تلقـى مـا تريـده
والفضائيـات كـل ٍ طـق طبلـه

ومن بغا ينشاف سوّا له قصيـده
بالـوزن والقافيـة زينـه وقبلـه

ولا وقف قمنـا نصفـق للوليـده
حتى لو إنا نعرف اللي كتـب لـه

وكل حقٍ جاك بـه جـاره وقيـده
كن مابعـده علـى الدنيـا وقبلـه

ويوم شفت الوضع ماقلنـا نعيـده
والشعر ماعاد يسوى عـود ربلـه

خذت لي ركنه من الملعب وبيـده
لو تقول الناس هذا شاعـر أبلـه

وشاعرٍ يشك بـن ضيـدان ميـده
والله انه اياه وأني ما أحسب لـه

للشاعر العملاق / ضيدان بن منصور أبن قضعان