ســــــــــلامتـــك .... - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 19/02/10, (02:18 AM)

سلامتك والله يحفظك ويبقيك
ويقبل دعاتك في صلاتك وصومك

ياجعلني ماذوق حزنك ولا ابكيك
يافرحة سنيني عسى الله يدومك

ليت التعب فيني حبيبي ولا فيك
وياليت يومي ينتهي قبل يومك

ودي اضم ايديك واقبل ايديك
وفرش لك ذراعي مخده لنومك

وان قمت من نومك وعيني تراعيك
سولف عن احلامك وعطني علومك

استأذنك لحظه دقايق بخليك
بروح ابشر عالمي في قدومك

في غيبتك احلم اشوفك واحاكيك
سمتني الدنيا بعدك محرومك

ياما تخيلتك بدربي واناديك
واقول : وشفيها تردت عزومك

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك

ماهو على شانك على شان ماضيك
مهما تسوي اعذرك ما الومك

هذا خيالي كل ما مر طاريك
والا الحقيقه عايش ارجي غيومك

اضحك على نفسي اذا قلت مابيك
انت القمر والناس هذي نجومك

حببتني في كل حاجه حواليك
مانيب من قومك واحامي لقومك

ماقول غير الله يحفظك ويبقيك
وياجعل يومي ينتهي قبل يومك

منقول