البارحه يا حزني البارحه // غير !
.. .. .. .. .. .. .. حسّيت بإني فاقد إنسان غالي
حسّيت بإن الوقت ما عاد به خير !
.. .. .. .. .. .. .. إسود بوجهه و الدليل : الليالي
ما عاد ترحم طفل // و تحشّم كبير
.. .. .. .. .. .. .. عادك تبيها تروف للّي جرالي ؟
الوقت .. ما يرحم عيال الهوامير !
.. .. .. .. .. .. .. وشلون وآنا اللي على قد حالي ؟
أطوي فراشي كل ما نسنس عصير
.. .. .. .. .. .. .. و آغنّي جروحي لصوت الشمالي
لين أنتبه .. بإن الدموع المسايير
.. .. .. .. .. .. .. سالت على ذكرى السنين الخوالي
وأضحك و دمعي في عيوني محايير
.. .. .. .. .. .. .. مابي أحد يدري وش اللي إستوالي
و أمسح دموعي بغفلة الناس وآسير
.. .. .. .. .. .. .. أبغي مكانٍ .. من المخاليق خالي
لا يقطعه راعي ولا يانسه طير !
.. .. .. .. .. .. .. ولا يقربه شخصٍ عن الوجد سالي
و أذكر مكانٍ .. هاجرته العصافير
.. .. .. .. .. .. .. من يوم ما فارقه - سيد الغوالي !!
بيتٍ جنوبة صرم و فحقبته : بير
.. .. .. .. .. .. .. وسوره من الأيام و الشوق بالي
بابه حزين من الجفا و التفاكير !
.. .. .. .. .. .. .. من غيبة اللي في الهوى ما يبالي
غروٍ تعب قلبي ومن عادني صغير
.. .. .. .. .. .. .. من قبل أفنّد من عمامي خوالي !!
الشاعر حمدان المحرمي
19/01/10, (12:25 PM)
البارحه يا حزني البارحه // غير
العرض المتطور
