مآعلموك بغيبتك وش جرآلي !! ~ حتى آلخبل لآشآفني قآل ( عزآآه )

[احساس قلم]

:



ما علموك بغيبتـك وش جرالـي؟
.................... حتى ( الخبل ) لا شافني قال عـزآآه



مافيه شـيٍ موحـشٍ مـا طرالـي
.................... ولا فيه ضيـق الا تعانقـت ويـاه


هذا مداه وضاق صـدر الشمالـي
.................... تقولليّ وش جاه؟ واقول وش جاه؟!


عزيـز قـوم و بهذلَتْـه الليـالـي
.................... كبا به حصانه وخانت به خطـاه


شف حالتي والصبر ما سـرّ حالـي
.................... بين اصدق الاحساس واللآ مبـالاه


تعبت اقول ان ( الامل ) راس مالي
.................... واشوف ثوب الصبر ينشق وارفـاه


(الياس) حِمله فاق كـل احتمالـي
.................... نوب اتعثر بـه ونـوب اتخطـراه


يرسم على وجهي ملامـح ظلالـي
.................... واحاول ارسـم بسمتـي واتحـداه


ضميان والعـد القـراح الزلالـي
.................... كبدي تبي قربه ونفسـي تحاشـاه


طاح الدلو / والسانيـه / والحبالـي
.................... وانا على جاله ولاذقت مـن مـاه


والحاجه اللي في نفـوس الرجالـي
.................... اكثر حراها تخلف الرجـل مبـداه


كلمه تقـال وكلمـةِ مـا تقالـي
.................... يما كل ما فالصدر للنـاس تقـراه


لو شلت ما شالت ظهور الجمالـي
.................... لاطحت / ماقالوا عسى الله ياقـاه


يا علّ مـا لمنقّـل الهـرج وآلـي
.................... و ابليس ياويلـه مـن الله ويـلاه



لكن بعد ما صار ما زلـت غالـي
.................... مثل السقيم اللي حمـل داه بـرداه


ان جيت يبقـى منزلـك بالعوالـي
.................... عرشك على حطت يدك ماحدِ جاه


وان رحت .. امي جايبتنـي لحالـي
.................... الحب عايش بـه وعايـش بليـاه

[أبو غرام]

الله عليكي الله اختي احساس قلم

ابداع في الاختيار يدل على ذائقه ولا اروع

اللف صح لسان القائل والف صح لسانك على جميل الاختيار

ودي وتقديري اختاه

[احساس قلم]

ابو غرام
هلابك اخي الكريم ونورت بعد غيبه
اسعدني مروركـ
دمت بود دوما

[نافع عيد الجديد]

الف شكر على الاختيار الاكثر من رائع
صح لسانك ولسان شاعرها
لاعدمناك

[احساس قلم]

المشاركة الأصلية كتبت بواسطة نافع عيد الجديد

الف شكر على الاختيار الاكثر من رائع
صح لسانك ولسان شاعرها
لاعدمناك

صح بدنك استاذي الكريم
والف شكر لمروركـ الراقي

[محمد الزبيني]

بالفعل ماكتب يستحق القراءة.....

ومن اجمل ماقرأت : تعبت اقوول ان الصبررر راس مالي
واشووف ثووب الصبر ينشق وارفاااه

ابداااااااااااااااااااااااااااااااااااااااااااع ..

[احساس قلم]

استاذي محمد
الف شكر لمروركـ الراقي
دمت بود دوما