الشاهد الله من بعد يوم فرقاك؟؟؟ - °~*¤®§(§ شبـــكة ويــلان العـربـيـه §)§®¤*~ˆ°

**خلف منور العنزي** · 03/11/09, (11:30 PM)

الـشاهد الـله من بعــد يوم فرقــاك=ذقـت الـعـذاب بسـبـة الـلي يـبونـك
قـلبـي وروحي والمشـاعر تمنـاك=واصل الوله كله لشوفة عيـونـــك
هذي عيونك كيف باقي حلايــاك=لو جيت ابوصف خايف(ن) يحسدونك
اصل الجمال مكمل في مزاياك =واحلى دلـع واغلى غنج ينسجونــك
معذب(ن) بالناس لاملت بخطاك =واليـا انـثـنيـت بودهـم يـحـضـنونـك
رمش العيون اللي بها الرب حلاااك=تصفق على خدك وتمحي حزونك
يا حظ رمشينك اذا اغلقت عيناك=احسدهم بلحظة يضمو عيونــك
واذا ابتسمت وبارق في محياك=نــور تـــشع به الللأللى سنــونــك
سبحان ربـي خالقك كيف سواك=كـل الحـلا والزيـن لـمـك يـجونــك
بالله قـلـي من سـبيـلن لـلقـياك =غـير الصـبر لاجـله ذبـحني جنونـك
اصلا انا عايش علشان القاك=وحلفت لك والله وربي لاصـونــك
اموت بك واعشقك واغليك واهواك=واموووت قبل اني افكر اخونك

**masha3el ** · 04/11/09, (01:20 AM)

الـشاهد الـله من بعــد يوم فرقــاك
ذقـت الـعـذاب بسـبـة الـلي يـبونـك
قـلبـي وروحي والمشـاعر تمنـاك
واصل الوله كله لشوفة عيـونـــك

الرائع

خلف منور العنزي

صح لسانك وبدنك ولاهنت
ابيات تكاااد تتكلم من روعتها
مشاعر طاغيه على النص وزادته روعه وجمال
لله درك على روعه الابيات
ننتظر جديدك
تحياتي و مودتي
دمت بخير

**الخاطر** · 04/11/09, (02:07 AM)

اقتباس:

المشاركة الأصلية كتبت بواسطة خلف منور العنزي

الرائع والقدير.
اخي وصديقي الشاعر خلف منور العنزي.
ياهلا ومليووووووووون مرحبا ولايكفون بتواجدك وحضورك في هذا المنتدى الراقي والشامخ باعضاءه.
تأكد اخي خلف بأنك بين اخوانك واخواتك.
اما بالنسبه للقصيده فأنا شهادتي مجروحه من مبطي بجميع ماتسطره من روعه وابداع.
ياهلا ياخلف ياهلا بك.
دمت بكل الخير.
اخوك محمد العنزي.

**خلف منور العنزي** · 04/11/09, (09:01 AM)

الاخت مشاعل شكرا للك من القلب فلا املك شيئا سوا ان اقول شكرا لك ياسمو المشاعر او مشاعر السمو على تعليقك الرائع .
الاخ محمد العنزي (الخاطر)

تعجز اناملي عن كتابة مايجول في خاطري لا لاني لا اجيد التعبير ولكن لاحتياري بما ساقول او بما سارد على ماكتبت.
تبقى اخي وصديقي وعنوان الوفاء بالنسبة لي .
شكرا لك على تعليقك .

دمت برعاية الله .

**خلف الغريب** · 04/11/09, (09:12 AM)

اولا وقبل الشعر الله يحييك يا سمي بين اخوانك واخواتك هنا في ويلان وكلنا سعادة بهذا الحضور الجميل واشكر لك اجابتك للدعوة واشكر داعيك الاخ العزيز محمد الطويلعي ..

قصيدة جميلة ومشاعر محب صادق نجدها معك هنا ..

فعلا احس الصدق في العاطفة والدليل انك نقلت لنا وصفا دقيقا لمشاعرك وهذا هو اساس نجاح اي قصيدة ان تكون ذات دافع يحرك عاطفة شاعرها ..

فعلا صباح جميل لي مع هذه الابيات الجميلة اما البيت التالي فهو بحد ذاته قصيدة :

يا حظ رمشينك اذا اغلقـت عينـاك
احسدهـم بلحظـة يضمـو عيونـك

شكرا لجمال تواجدك وشكرا لجمال روحك ..

ودي وتقديري..

**صالح التويجري** · 04/11/09, (09:18 AM)

اقتباس:

المشاركة الأصلية كتبت بواسطة خلف منور العنزي

يا حظ رمشينك اذا اغلقت عيناك=احسدهم بلحظة يضمو عيونــك

الله الله

صح لسانك (منور) يابو (منور)

**بدر الخلاوي** · 04/11/09, (12:36 PM)

الشاعر المبدع المميزخلف منور صح لساااااانك بيض الله وجهك سلمت اناملك فلسفه شعريه لها طابعها الخاص ورونقها المميز ارجع واقول صح لسااااااااااانك