تدري وش اجمل حب يظمن خطاويه ؟
ياقـلب هذا الوقت لازم تداريه
.................. اصبر وصابر يالله اليـوم خيره
تعبت اردد كيف وشلون اوا ليه
................. والقلب حبه هو ماحب غيره
الجرح يكبر مالقى من يداويه
................. والعين تبصر بس يدي قصيره
تعبت انا اوصف حلم باول خطاويه
................ وتعبت اشوف طيور حلمي كسيره
وتعبت اضمه في خفوقي واناديه
................ وتعبت اشم الموت بأزكى عبيره
ياصاحبي ياليتها دمع وابكيه
................ او ليتها سر(ن) توفى ابيـره
الدمع يسهر مع جفوني تحاكيه
................ والرمش زرع مسكنه في غديره
القلب وشو القلب خابت هقاويه
................ يقطعك ياوقت عجزنا نديره
خل الكلام اللي تعبنا نجاريه
................ واسمع كلام جاك مافيـه غيره
وقف معي لحظه بقى شي بحـكيه
................ وقف مدام الدرب وقف مسيره
بقول لك ابيات من حزن اعانيه
................ نما معي من فقد انثى غريره
شفت المكان الي انا دايم اجيه
................ هناك التقيـنا يوم عيني قريره
كل ما اجيه اتذكـر اني الاقيه
................ واليوم اجيه ونار قلبـي سعيره
هناك بحنان الشوق ضمتني ايديه
................ وهناك افترقنا بيوم محـدن يجيره
هذا الاسير وطاح بأغلا امانيه
................ هذا الاسير وضــاع حتى مصيره
وقف وحاول بس ماتت مماشيه
................ ومن صدمته ماعاد شي يثيره
قلي امانه هو بقى شي نرجيه
................ قلي كلامك بس قلل كثيره
تدري وش الي صار بأخر مئاسيه
................ طاح الاسير ومات بأرض الاسيره
وتدري وش الي ساق قلبي لماضيه ؟
................ عطرن بقلبي ينتشي بي عبيره
وتدري وش اجمل حب يظمن خطاويه
................ حب الفقير اليا هـوى له فقيره
:
الشآعر : عيسى العنزي
27/07/09, (12:45 AM)
تدري وش اجمل حب يظمن خطاويه ؟
العرض المتطور
