لغز ذكاء للمتزوجين خاصة والعزاب عامه....... شغل الباص ياسواقه

[عبدالله مقبل]

اول امانتاً اللي يعرف اللغز مسبق يترك العالم تفحط


اللغز يقول ::: (الله يعين تراه سالفه طويله )

فيه زوج يبي يطلق زوجته بأي طريقة كانت يدور اخطاء عليها

فقال لها جيبي لي قهوه وتمر


جابت له قهوه وتمر

اكل هو وهي من نفس صحن التمر وحطوا نوا التمر بصحن ثاني

يعني كلهم اكلوا من صحن واحد وحطوا نوا التمر بصحن واحد



فقال الزوج لزوجته اذا مافرقتي نوا التمر اللي انا أكلته عن نوا التمر اللي انتي اكلتي فانتي طالق

فكرت ام العيال وفكرت وفكرت ثم لقت الحل ((((( ماهو الحل)))))

على فكره ترى الزوجه حلت اللغز حل حقيقي وحتى بالشرع صحيح يعني ماكذبت على الزوج

فهي بالفعل فرقت نواه عن نواها اللي هي اكلت


..... انتهت السالفه ههههه قصدي اللغز . . .





ننتظر مشاركاتكم والباص شغال والتذاكر مع ابو غرام يساعدني

[أبو غرام]

عز الله يالعشير ... معروف

لا وازيدك عليه لغز تابع له


يقولك دور عليها فرصه

فمره دخل لقاها حاطه القدر تبي تطبخ عشاها

قام وحط كيس الملح كله في القدر

وقال لها لا تغيرين القدر ولا تشيلين منه

وان جا أكلك مالح فانتي طالق

ونجحت للمره الثانيه

هاه ؟ كيييييييييييييييف سويت بالمرتين ؟

^_^

[عبدالله مقبل]

الله يهاديك يابو غرام انا بركب الناس وانت تخطط علي تبي تركبني الباص ههههههههههه


مشكور على تواجدك الغالي يابغرام وخلك حولي اللي اعطيك اسمه تأكد من انه ركب الباص

[سليمان الجعفري]

الاخ العزيز/ عبد الله مقبل

السلام عليكم ورحمة الله

والله انا شكلي ابحوس السالفه ( قصدي اللغز)

1- الحل الاول ( للرجال حبتين من النوا وللحرمه واحده)

2- اما لغز ابوغرام (مالها إلا ان تزود بالماء )

ياساتر (تكفى اذا ركبتني بالباص لااكون وحدي )

دورلي رفيق من هنا ومن هناك

وبعدين ترى ابوغرام صديقي (الخاص)

تحياتي للجميع

[عبدالله مقبل]

وينك ابو غرام


شف الرجال هذا حطه بمقعد قريب المكيف وعطه اول تذكره للباص ههههه


سليمان الجعفري ونعم بك وبلابتك سلمت اخوي على مرورك وبالنسبة للغزي مالك لوا... ولغز ابو غرام اعتقد انك صبته والحل ماهو عندي

عند ابو غرام صاحب التذاكر

[سليمان الجعفري]

عبدالله مقبل

ماعليك زود يالغالي


اما لغز ابوغرام عساني جبت

اغدي الحسنه تمحاء السيه

وتكون وحده بوحده

تحياتي لك

[عبدالله مقبل]

مافيه اخوي سليمان راكب الباص راكبه