ويش رجلٍ له جوادٌ مامتطاها , من ألغاز// محمد خلف الزايدي - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 20/06/09, (09:50 AM)

ويش رجلٍ له جوادٌ مامتطاها=والجواد مشيمه ماحد ركبها
اسمها مجهول مار اسمه غطاها =لو نشدت الناس ماعرفوا سببها

**أبو غرام** · 20/06/09, (10:14 AM)

شف يالعشير

أنا دوم أتليقف وأصيب ولكن أحيان ما أحب أطلع مهاراتي

مخافة من العين

لكن هالمره بحاول اجتهد وبقول :

فرس الداب

وأنت ويش رايك

تراي عارف موقعي من الباص فيما لو إني غلط

**محمد خلف الزايدي** · 20/06/09, (11:02 AM)

تسلم يابو غرام أثريهم ظالمينك وأنا عارف منهو اللي مهبط
همم اكثر الأعضاء ومسبب لهم عقد نفسيه أقول وإلآ ماقول
أكيد تقولون نافع نعم هو أبو عيـد سالفة راع المثل كني كبيركم
كسرت مواعينكم هذا بدل مايشجع ويعطي هدايا. الله يصلحه

( صح إلسانك يابو غرام )

**أبو غرام** · 21/06/09, (10:11 AM)

اقتباس:

المشاركة الأصلية كتبت بواسطة محمد خلف الزايدي

تسلم يابو غرام أثريهم ظالمينك وأنا عارف منهو اللي مهبط
همم اكثر الأعضاء ومسبب لهم عقد نفسيه أقول وإلآ ماقول
أكيد تقولون نافع نعم هو أبو عيـد سالفة راع المثل كني كبيركم
كسرت مواعينكم هذا بدل مايشجع ويعطي هدايا. الله يصلحه

( صح إلسانك يابو غرام )

الشجر المثمر دائما مايرمى بالحجر يابن خلف

وماقرقشوا ولاحركوا طبلة اذني وانا ابو غرام

حسيت ان ودي آخذ السيف واروح البر استاجر لي حصان ساعه ادور به شوي وانا متلطم وارجع

هههههههههههه

الله يسلمك ياراعي اللغز

وترى انا لا بغيت اجيب شي اجيبه

بس مثل ماقلت لك

اخاف من العين

دمت بود

**نايف سعد الخمعلي** · 20/06/09, (02:43 PM)

مايمديني جاي مسرع بكتب فرس الداب والا الاخ متربع

**محمد خلف الزايدي** · 20/06/09, (04:18 PM)

اقتباس:

المشاركة الأصلية كتبت بواسطة ناايف

مايمديني جاي مسرع بكتب فرس الداب والا الاخ متربع

اخوي نايف لاتلومه كسب الفرصه بغياب عبدالعزيز السعود
ويخبر نافع والباص وراه والدنيا حرّ ,,

تحياتي لكـــــــ

**سليمان الجعفري** · 21/06/09, (01:25 AM)

والله يابو غرام

عقب الباص اللي خابر صرت فلته

ماشاء الله عليك ماخليت اللغز يبرد

شكراً للاخ العزيز / محمد الزايدي

تحياتي واحترامي للجميع