هذه قصيدة خلف الغريب
تحياتي للجميع واهدي قصيدتي لإخواني من الجعافرة عموما ومدحهم مدح لعنزة كافة واعتذر منهم فلم أوفهم حقهم..
ليه زمـن ودي بمـدح الجعافـرة=
واليوم دقت حـزة المـدح صافـرة =
لو كان ماهم باحتيـاج لقصايـدي=
افعالهم شمـس بالامجـاد سافـرة =
جعافـرة عـز الرفيـق وسعادتـه=
ولزلة الاصحـاب والجـار غافـره =
جعافـرة للضـد علقـم يجـرعـه=
بالعـز مؤمنـة وبالـذل كـافـرة =
جعافرة وان صاح للكـون صايـح=
يصيح وسط النزل : وين الجعافرة؟ =
ليا اختلط من شدة الهوش واحتـدم=
حس المعـدد للحصـان وحوافـره =
يبشـر بعـز ياصلنـه عزومهـم=
بشيـب وشبـان للامجـاد نافـرة =
يبرا لهم طير السعد فـي مسيرهـم=
وياويل من هي بالملاقـى تعافـره =
تبيع في سوق المنايـا وتشتـري=
ابطال لابطـال الاضاديـد خافـرة =
الطيب بين بيوتهـم شـاد منزلـه=
والنعم حازوا كلمته مـن حذافـره =
رضاعهم مـن درة الديـد مكرمـة=
وطيبة حديهم من نعومـة اظافـره =
حازوا سنام المجد من ضمن قسمهم=
وخذوا من الطيب المسمى مخافـره =
مضرب مثل بين القبايـل بطبعهـم=
قروم على درب المعالـي مسافـرة =
وعيـال وايـل بالمدايـح نعمهـم=
اقسامهم من منهل الطيـب وافـرة =
ان كان هم من بشـر والا لمسلـم=
جهودهم لاجل الصعود امتضافـرة =
وكل القبايل وافيـة فـي لزومهـا=
اللي على النوماس شفقة وظافـرة =
واليوم انـا كلـي فخـار ومسـرة=
لاني ببساطـة قلتهـا بالجعافـرة=
اخواني وخواتي قلت هذه القصيده رداً على الشاعر المبدع خلف الغريب...
حيث أنه قام في مدح جماعتي الجعافره من عنزه كل املي أن ترضيكم جميعاً..
سلام يعيال الفقيري سلامي = يالطيبين النادرين الكرامي
يافون في وقت القاء والخصامي = ربعاً بهم طيباً وجودٍ وفزعات
نعماً بهم وان جاء نهار القتالي = حض الرفيق اللي صديق ٍ موالي
والجارهم مثل القراح الزلالي = ارداهم اللي يذبحون الجزيلات
نعماً بهم اهل الوفا والحميه = لياأنتخو بالعزوه الوايليه
وركبو على بنات بنت العبيه = الموت حاضر فيه للسيف صرخات
نعماً بهم ياجا القصير ونخاهم = عاداتهم يحمون ذود اقصراهم
يوم القا محداً يقرب حماهم = مرباعهم وسط الفياض العذيات
وعداتهم يوم السنين الخوالي = الضيف يذبح له اسماناً اجزالي
وعلى الوجار مبهرات الدلالي = الطيب ورثه من سنيناً قديمات
يتلون اخونعمه على العسر والين = سلطان طيبه ظاهر ٍ له براهين
عوق الخصيم ومزبن ٍ للضعيفين = واللي جهل به ينشدون العقيلات
من ساس وايل محتمين الرعيه = تشهد لهم ذي قار والمنذريه
بأسبابها وردوا حياض المنيه = والروم من طعناتهم راحو اشتات
في منتدى ويلان قلت القصيده = في مدح حر ٍ عز منهو عضيده
خلف بن غريب نعم الوليده = أمدح عزيز النفس راع الجمالات
وأقولها تسعه وتسعين مره =أطلب عساها ماتجيه المضره
وياقاه رب الكون من كل شره= أقبل دعاء عبدك يارب السماوات
قلته وأنا من لابة ٍ جعفريه = أبوي سويلم عز منهو خويه
أفخر بفعله عند كل السميه = طيبه بقالي رمز في كل الأوقات
ويناشدٍ عني ترا الجد مجرب = جدي من فعول المكارم تزهب
تشهد له البيضاء مع السيف الأحدب = صدق ٍ كلامي فيه ماقلت زلات
ويشهد على ما أقول كون العماير = يردون حياض الموت والملح ثاير
سبعة رجال ٍ ما أذخروها ذخاير =الشر حاضر وأقربي يالمنيات
عيب ٍ علينا اليوم لو ماقصدنا = رد ٍ على اللي بالمكارم حمدنا
اللي بزينات المعاني نشدنا = خلف بن غريب مشكور بالذات
وسلامتكم ..
05/06/09, (02:39 AM)
الفقراء
العرض المتطور
