يا طروش....قصيده دائما أحب أهيجنها

[فيصل الرسلاني]

أنا هذا الي انا حافظه من قصيدة فريج الغياث أحد الشيوخ في سوريا قديما لكني لقيت في بعض المواقع
هذه الأبيات (التي في الأسفل )فيها اختلاف بسيط يعني كاني محرف فتحريفي ليس بالكبير ...على العموم كانكم ودكم بالرواية الثانية
فأنا لقيت لها فديو وإذا ودكم تشوفونه لكن ترى فيه موسيقى وانا أتبرا من ذنوبكم كل ذنبه على جنبه...لكن القصيده مؤثره وذات معاني جميله وفي عقوق الوالدين ولهذا السبب حفظتها...


القصيده الي انا أعرفها و وأما التي في أخر الموضوع فهي التي في مقطع الفديو..

يا طروش

ياطروش ياللـي ناحريـن المراقيـب
تريضولي واقصـروا مـن خطاكـم
واخذوا كلام الصدق مابـه تكاذيـب
ياموافقيـن الخيـر حـنـا ويـاكـم
شديت بيكم راجـل وادي سلاحيـب
ولقيـت بالركبـه مدافـيـج مـاكـم
ثمان سنين وارطب القلـب ترطيـب
والتاسعـه ولا اتـرجـى حـداكـم
ياعلـي مـا ضربتكـوا بالمصاليـب
ولا سمعت الجيـران لجـة ابكاكـم
ياعلي ماسرحتكـوا علـى اجانيـب
ولا علـى الصقعـه كليتـوا عشاكـم
اسرح مع الخلقـان وارافـق الذيـب
من خوف لا ينقـص عليكـم قراكـم
واحفيت رجلي بي سهـوم اللواهيـب
خليت لحـم الريـم يخالـط غداكـم
وياما شريت السمن من عرض ماجيب
يفـز قلبـي يـوم يبكـي حـداكـم
قمت اتوكا فـوق عـوج المصاليـب
قصرن خطاي يـوم طالـت خطاكـم
تروشنـي روش النعـاج المجاريـب
ولا حـديــة مـــن نـسـاكـم
يا عيال دوكـم لحيتـي كلهـا شيـب
هـذا زمـان قعودنـا فـي ذراكــم
لا بـد يـوم عـاوي دونـي الذيـب
بالقبر ما افرق طيبكـم مـن رداكـم
ماني بفاضحكـم بوسـط الاجانيـب
بافعالكـم يـدرون كــل اقربـاكـم
لوكـان تـدرون الـردى والمعاييـب
صرتوا مع المخلوق مثـل اخوياكـم
اخواكـم بالطيـب تـروي المغاليـب
واذا تبعتوا الجـد مـا احـد شناكـم
وهبيت ياجيـل الخنـا كلكـوا عيـب
ياللـي علـى الوالـد كثيـر لغاكـم
يالله عسى انساكم لا تحبل ولا تجيـب
والشمـس مطفيـه وتعتـم سمـاكـم
انتم بـدن بيكـم صفـر العصاريـب
ماهـي معـزه ســود الله قـراكـم


او الابيات التاليه

ويا طروش يلي ناحرين المراجيب
واتريضولي و قصروا من خطاكم
واخذوا كلام الصدق ما به تكاذيب
وياموافقين الخير حنا وياكم
وهديت بيكم رادلن لوادي سلاحيب
ولقيت بصة خامدة في جماكم
وثمان سنين ارطب القلب ترطيب
والتاسعة وانا اترجى حداكم
واجيكم عن الوعر مع تداريب
ومن خوفي يابوي عايل يجهد بلاكم
واسعى مع الخلقان وارافق الذيب
ومن خوف لا ينقص عليكم عشاكم
و عيال ما سرحتكم مع الاجانيب
ولا عالصقعة كليتم غداكم
ويا عيال ما ضربتكم بالمصاليب
ولا سمعت الجيران جظة بكاكم
و احفيت رجلي في سموم اللواهيب
وخليت لحم الريم يخالط عشاكم
وقمت اتعكز فوق عوج المذاريب
وقصرت خطاي يوم طالن خطاكم
ويا عيال اخوالكم مروبين بالطيب
وما تعلموني هالردا منين جاكم
وهبم يا جيل الخنا كلكم عيب
يلي على الوالد كثير لغاكم
وانتم تبعتم صفر العراقيب
ما هن معزة سود الله قراكم
وريت نساكم ما تحبل ولا تجيب
وتقعد بطالة جالسات بلاكم
وعسى قمركم لا يطلع و لا يغيب
والشمس مطليه ويعتم سماكم

_________________

[نافع عيد الجديد]

الاخ العزيزفيصل الرسلاني
صح السانك والسان شاعرها
لاهنت على الطرح المميز
لك التحيه والتقدير

[جبار بن عابر]

اخي فيصل الرسلانـــــــــــي

الله يعطيك العافيه على النقل , والواقع انا لقيت هذه القصيده ادناه للشاعر/ جحيش مهاوش الهشال .

مشابهه لحد كبير للقصيده المذكوره انفا .واحببت ان الفت الانتباه . لذلك .


قـال الـذي يقـرا بليـا مكاتـيـب
ياللي تقـرون العمـى مـن عماكـم
ياعيالي اللـي تشرفـون المراقيـب
تريضوا لي واقصـروا فـي خطاكـم
خذوا كلام الصدق مـا بـه تكاذيـب
مثل السنـد مضمـون للـي وراكـم
ياعيال لا صرتوا ضيـوف ومعازيـب
تـرى الكـلام الزيـن ملحـة قراكـم
وتروا السبابة مـن كبـار العذاريـب
وهرج البلايـس مـا يطـول لحاكـم
المذهب الطيب فهـو مذهـب الطيـب
والمذهـب الخايـب يبـور نسـاكـم
ياعيـال مـا سرحتكـم باللواهـيـب
ياعيـال مـا عمـر المعـزب ولاكـم
ياعيـال ماضربتـكـم بالمشاعـيـب
ولا سمعـوا الجيـران لجـة بكاكـم
يامـا توليـت القبايـل تقـل ذيـب
من خوف لاينقـص عليكـم عشاكـم
وياما شريت السمن من عرض ماجيب
يفـز قلبـي يـوم يبـكـي حـداكـم
أحفيت رجلينـي بحامـي اللواهيـب
وخليت لحـم الريـم يخالـط عشاكـم
ياعيال دوكـم لحيتـي كلهـا شيـب
هـذا زمـان قعودنـا فـي ذراكــم
قمت اتوكا فـوق عـوج المصاليـب
قصرت خطانـا يـوم طالـت خطاكـم
عطونـي القرضـة عليكـم مطاليـب
عطوني القرضة جـزى مـن جزاكـم
لابـد يـوم عـاوي دونـي الذيـب
بالقبر ما افرق طيبكـم مـن رداكـم
مانـي بفاضحكـم بوسـط الاجانيـب
باعمالكـم يـدرون كــل اقربـاكـم
لوكـان تـدرون الـردى والمعاييـب
صرتوا مع المخلـوق مثـل خوياكـم
خوالكـم بالطيـب تـروي المغاليـب
ولو تتبعـون الجـد محـدن شناكـم
وش علمكم يـا تاركيـن المواجيـب
حسبي عليكم هالـردى ويـن جاكـم
قصيتكـم واسنـدت وادي سلاحيـب
ولقيـت بالصبخـا مدافيـق مـاكـم
ياعيـال بعتونـي بصفـر العراقيـب
مـا هـي حقيقـة سـود الله قراكـم
يالله عسى اعماركم شمسهـا تغيـب
يعتـم قمركـم ثـم تظلـم سمـاكـم
يـا علكـم فـي حاميـات اللواهيـب
ياللـي علـى الوالـد خبيـث لغاكـم
شفت الجفا والحيف والغلب والريـب
بضلوعـكـم لابـيـض الله قـراكـم
عسى نساكم مـا تحمـل ولا تجيـب
ولا حدن من البزران يمشـي وراكـم
اخسوا خسيتوا يـا كبـار اللغابيـب
اهبـوا هبيتـوا يقطـع الله نمـاكـم

[عبدالله الدغيثر]

صح السانك والسان شاعرها
لاهنت على الطرح المميز

تقبل مروري

[أبو غرام]

طرح جميل وحفظ لابيات رائعه

تدل على مدى فكر فيصل الرسلاني الجميل

لله درك وصح لسانك انت والقائل

جميل طرحك اخي

دمت بود

[فهد الشافي]

صح السانك والسان شاعرها
لاهنت على الطرح المميز

تقبل مروري

[فيصل الرسلاني]

حياكم الله كل باسمه ونكه .........شاكر لكم المرور ويسعدني أنها حازت على رضاكم

الأخ يزن شكرا لك على الإضافه الرائعه