طواري خوف - °~*¤®§(§ شبـــكة ويــلان العـربـيـه §)§®¤*~ˆ°

**متعب السبهان** · 17/04/09, (06:11 AM)

بلاتنقيح

اتتكم , تخطب ود الذائقة وتناجي التواصل

مدخل

ياعمري مابقى فيني مكـانٍ للعتـب واللـوم=تعالي واتركي خضر الجروح تنـام مرتاحـه
هذاني جيت لك وجهي عليه من الدموع وسوم=اصب الغيم في كفك غـلا واشقـق وشاحـه

ماعدت انا (متعب) وتاهـت عناوينـي=من ضيقي احس بإنـي واحـدٍ ثانـي
(ياخي على شـان قلبـي لاتخلينـي)=آخر كلامٍ زرعـه الخـوف بلسانـي
خوفي من الليـل لاكسّـر جناحينـي=خوفي من الشوق لامن صرت وحداني
هـذا حنيـن الموانـي ساكـنٍ فينـي=وهذا قطـار العمـر مـرّ وتعدّانـي
هذا دفا البرد احسـه بيـن ضلعينـي=يعـزف مواويلـه ويكتـب ويقرانـي
تحسب غيابـك بسيـط ولايبكينـي؟؟!=لاوالله الا شربـت الدمـع واروانـي
ماهزت ضلوع صدرك قولتي ويني؟؟!=خابرني معك ,, وادورني ولا القانـي
لـو الليالـي تحـس البـرد بيدينـي=ماكـان موتـي تمنيـتـه ولاجـانـي
ولو الكرا بـس ليلـة يـورق بعينـي=ماشفت وسم السهر منقوش بأجفانـي
الموت ماهو ليا مـن بـارت سنينـي=الموت طيفك الى مـن طـق بيبانـي
بـذرت مااحبـك ولاعـاد تعنيـنـي=وقطفت احبك حبيبـي لـو تناسانـي
تكفى,طلبتك,دخيـلـك لاتخلـيـنـي=ماهي مذله,,طواري خـوف بلسانـي

مخرج

الظاهر ان الحزن ماعنده شغل=كل يومٍ جـايٍ يسلـم علـي

**جنون الحلم** · 17/04/09, (06:25 AM)

متعب السبهان
أعتقد انه مادام هذا الاسم الشعري الراقي هنا
نحن حتما سنتشبع هنا شعرا
وسنضظر للصمت عندما يبدء الكبار أمثالك
بأداء عزفهم المنفرد

تكفى,طلبتك,دخيـلـك لاتخلـيـنـي=ماهي مذله,,طواري خـوف بلسانـي

لاهنت يافاضلي
قصيده تتتنفس صدقا
هنيئا للشعر بك أخي
وخالقي لم أسجل دخولي سوى لتسجيل اعجابي بهذه الباذخه
ودي
جنووووونـ الحلم

**متعب السبهان** · 22/04/09, (10:36 PM)

اقتباس:

المشاركة الأصلية كتبت بواسطة جنون الحلم

متعب السبهان
أعتقد انه مادام هذا الاسم الشعري الراقي هنا
نحن حتما سنتشبع هنا شعرا
وسنضظر للصمت عندما يبدء الكبار أمثالك
بأداء عزفهم المنفرد

تكفى,طلبتك,دخيـلـك لاتخلـيـنـي=ماهي مذله,,طواري خـوف بلسانـي

لاهنت يافاضلي
قصيده تتتنفس صدقا
هنيئا للشعر بك أخي
وخالقي لم أسجل دخولي سوى لتسجيل اعجابي بهذه الباذخه
ودي
جنووووونـ الحلم

جنون

اقسم بالله ان حضورك هنا

قلادة فخر

امشي بها متبخترا

ودي

**معيض بن عريفج** · 17/04/09, (09:36 AM)

الاخ الشاعر متعب السبهان
لله درك وصح لسانك وبيض الله وجهك ملاااااااااااااااااااااااااااااااااااااااااااااااا ين
قصيده جزله
الموت طيفك اليامن طق بيباني
ولك شكري وتقبل مروري البسيط

**سعود المسعودي** · 17/04/09, (01:32 PM)

الاخ الشاعر متعب السبهان

صح لسانك وعلا شانك

جزله وانت جزل

دمت بخير

**صالح الجطيلي** · 17/04/09, (02:23 PM)

(ياخي على شان قلبـي لاتخلينـي)
آخر كلامٍ زرعـه الخـوف بلسانـي

صح لسانك يا متعب ولاهنت

ننتظر جديدك

دمت بخير

**فهد الشافي** · 17/04/09, (04:13 PM)

الشاعر متعب السبهان

صح لسانك على جزالة القصيدة ومفرداتها الرائعة

تقبل تحياتي