قصيدتين للشاعر محمد الحبيب الشملاني العنزي - °~*¤®§(§ شبـــكة ويــلان العـربـيـه §)§®¤*~ˆ°

**فهد السلقاوي** · 13/04/09, (02:31 PM)

هذه رائعه من روائع الشاعر الكبير محمد الحبيب الشملاني العنزي

البارحه حلمت حلمن عسا فراج

شخصن عرضلي بسرة القلب عاجه

اهبي يالدنيا بها ظحك وازعاج

نوبن تزين ونوب يكتم عجاجه

الحي في نومه مع الميت هراج

هم بالقبور وبالمنام نتواجه

قامت روابيع الحشا تدرج ادراج

ليا دق هاجوس الضماير ولاجه

اعذروني هذا اللي حافظه والقصيده اطول من ذالك

ارجو ان تنال اعجابكم

**فهد السلقاوي** · 13/04/09, (03:06 PM)

راكب اللي مركبه للكيف جاز

جمس شكمانين مركوبه يجوز

صممه صنع الامريكي بمتياز

واردن من دولته تو محفوز

سجلو تسعيرته فوق القزاز

قوة الماطور كتبن بالرموز

وارد الممتاز مظبوط الطراز

مايدان البنص من رجلك ينوز

ليا عطاه ثنين بالسواق ناز

كن صيحت تايره جن مغروز

حروت كيلو عن غباره يوم ناز

ما تمارا سرعته روح ينوز

صافي الماطور مافيه اهتزاز

مثل حس الديم نشناش القزوز

ليا نهمت الجمس مع خطو العزاز

يطوي اللفات لو بالخط قوز

ياصل اللي دونهم بعد وغراز

صاطين غلاه عندي ومعزوز

حبهم بالقلب والله ما يلاز

لو نحانا البعد عنهم مانجوز

وهني من شال للغالي جهاز

ولايمه في مرقده لترف جوز

سعد حظي يوم بالمحوب فاز

هو شفاتي ليت حظي به يفوز

اكتب اسمه بالحفيظه والجواز

واهتني في حب قواد الفزوز

عين حرن ماكره روس الجراز

يذبح الجزلات بالكف الغروز

نضرته بالعين هي تعطيك عاز

لو قلبت الهرج تفهم بالغوز

مار دونه شايبن وجهه نشاز

ليا نظرته تقل من عقب الدروز

لو تجيه بجاه والله ما يلاز

لو يطيع الشور ما تتطيع العجوز

اتمنا ان تحوز على رضاكم

فهد السلقااااوي