بعض البشر لامن حشمته طمع فيك - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 27/03/09, (02:21 PM)

أخواني .. أخواتي
قصيدة أعجبتني وأحببة أنقلها لكم أتمنى تنال اعجابكم ..
ولكم تحياتي مع حب وتقدير .

بعض البشر لامن حشمته طمع فيك
ـــــــــــــــــ وبعض البشر لامن جفيته يودك

وبعض البشر يتعب على شان يرضيك
ــــــــــــــــــ وأغلى من اخوانه بقلبه يعــــدك

ويا صاحبي هالحين بانت خوافيـــك
ــــــــــــــــــ علقـــتني مابين مزحـــــــك وجدك

وش جاك مني ياعشيري وانا اخيك
ــــــــــــــــــ قبل امس انا صاحبك واليوم ندك

لاضاق صدري من عنا وقتنا اجيك
ــــــــــــــــــ واشوف دمعات الغلا فوق خـــدك

والحين تظلمني وانا منك وفيــك
ــــــــــــــــــ بكل إحترام اقول يا خوي حــــــدك

ثمن كلامك يا عسى الله يهديك
ــــــــــــــــــ لاصار ماي الوجه يعجز يـــــــردك

ثوب الردى ياصاحبي مايقديك
ـــــــــــــــــ الثوب لا ثوبك ولا القــــــــد قــــدك

انا اول انسان اذا ضقت بجيك
ـــــــــــــــــ حتى ولا اذكر يوم وقــفت ضــــدك

ماتذكر اني بالوفا كنت اجازيك
ـــــــــــــــــ وانته تجازيني بظلمك وصــــــــدك

لكن خلاص اليوم والله مابيك
ـــــــــــــــــ النفس طابت ســــو ماهــــو بــودك

الطعنه اللي من ورى الظهرتنهيك
ـــــــــــــــــ وشلون لاجاتــك من اللي يـــــودك

لا واهني يوم انا اموت بيديك
ـــــــــــــــــ ذابح وتبكــــــــــي من ذبحته بيــدك

**حمد الخمعلي** · 27/03/09, (03:51 PM)

الاخ نافع عيد

سلمت على الاختيار0

تحياتي

**سعود المسعودي** · 27/03/09, (07:16 PM)

الاخ نافع عيد

سلمت على الاختيار اكثر من رائع

تحياتي

**فهد الشافي** · 27/03/09, (09:30 PM)

شاعرنا ومشرفنا القدير نافع الجديد

صح لسانك ولسان شاعرها

بعض البشر لامن حشمته طمع فيك
ـــــــــــــــــ وبعض البشر لامن جفيته يودك

وبعض البشر يتعب على شان يرضيك
ــــــــــــــــــ وأغلى من اخوانه بقلبه يعــــدك

روعة في الاختيار

شكري وتقديري

**أبو غرام** · 27/03/09, (09:36 PM)

ابدااااع وروووعه في الانتقاء

شكرا لك اخي نافع ولاحرمنا الله جديدك

**عبدالرحمن اليمني** · 28/03/09, (01:32 AM)


	البناخي قصيده جزله صح لسانك ولسان قائلها سؤالي من هو القائل

**سليمان الجعفري** · 30/03/09, (08:37 AM)

الاخ / نافع عيد

الله يعطيك الف عافيه

على الاختيار الأ كثر من رائع

لك تحياتي