سلامي سلام يقطع اطول مسافات .....كاتب

[سلامة الجعفري]

سلامة الجعفري

سلامي سلام ٍ يقطع اطول مسافات = ليا ما يصل لاهل الديار البعيده
ياكاتب تعبنا بين روحه وجيات = الايام تمضي والفوايد زهيده

كاتب الجعفري

هلا مرحبا ترحيبة ٍ خص بالذات = باهل ديرة ٍ بالقلب تبقى وحيدة
تكفل برزق العبد رب السماوات =لاتشكي لرجل ٍ ماطلع شي بيده

سلامة الجعفري

يدوم البقا لكن ترى ابليس مامات=لايغويك ويسوي بدربك مكيدة
يجر القلوب البيض راعي حيالات=وهو كان مانقص وزن مايزيدة

كاتب الجعفري

انا اعوذ باللي لاعنه عشر لعنات= عقب ماحرم ادم حياةٍ رغيده
ترى ظاهر المخلوق يعطي علامات=لكن بلشة العالم مطوع بريده

سلامة الجعفري

زبون الردا مايكسب الا الرديات = وهذي ترى ماهي علوم ٍ جديده
يازين الفهيم اليا طلع بالمنصات = ماهو جاهل ٍ ماقال جمله مفيده

كاتب الجعفري

عطيتك لكن هذا الطمع فيك ميزات=وكل يوم تشكيني بوسط الجريدة
ياليتك تذكر موقف لي قد فات = خزمت البعير اللي تزايد زبيدة

سلامة الجعفري

تقوله وانا ماشفت منك المسرات = ياراع المكارم والفعول السديده
لابالله شجاع ولاتبي لك شهادات = لكن الخطا اللي صار حذرا تعيده

كاتب الجعفري

رفعناك لين اسمك وصل للمجرات=ولاانته بشايف من فعولي حميده
اذا مانت راضي روح يم الامارات= ونافس على مليون روضه وعيدة

سلامة الجعفري

دعايات كل اللي تقوله دعايات = ياراس ٍ تلاعب به جنون ٍ مريده
انا اول معادي فيك حتى القرابات = وهلحين معلنها عداوه شديده

كاتب الجعفري

تراك انت ماانته داري ٍ بالخفيات =عقب ماتساوى به سعيد وسعيدة
ترى الظلم يبقى يابن الاجواد ظلمات= ومن هو زرع له زرع يحصد حصيدة

[كاتب الجعفري]

هلا مرحبا ترحيبة ٍ خص بالذات = باهل ديرة ٍ بالقلب تبقى وحيدة
تكفل برزق العبد رب السماوات =لاتشكي لرجل ٍ ماطلع شي بيده

[سلامة الجعفري]

يدوم البقا لكن ترى ابليس مامات=لايغويك ويسوي بدربك مكيدة
يجر القلوب البيض راعي حيالات=وهو كان مانقص وزن مايزيدة

[أبو غرام]

الله الله عليكم

متااااااابعين بصمت وترقب

وصح السنتكم ... مبدعين كما عهدناكم دائما

[كاتب الجعفري]

انا اعوذ باللي لاعنه عشر لعنات= عقب ماحرم ادم حياةٍ رغيده
ترى ظاهر المخلوق يعطي علامات=لكن بلشة العالم مطوع بريده

[كاتب الجعفري]

حياك الله ابو غرام

متابعتك شرف لاهنت

[سعود المسعودي]

سلامه

كاتب


الله الله

ابداع الله يعطيكم العافيه