يومين ماشفت القمر

[سعود بن فرحان]

والله واقسم لك قسم مالك ايمان=واللي خلق أدم وحوا من الطين
انك نبض قلبي وروحي والاعيان=واني مقدم عمري براحة ايدين
ياشوق قلبي يابعد كل من كان=يلي ذخرتك للزمن دون تدرين
ياعشقي الاول على طول الازمان=ياعشقي الباقي من اول وللحين
سلامة عيونك من هموم واحزان=ليت التعب فيني مهو فيك يازين
لو التعب يظهر على هيئة انسان=ذليت لك كل التعب لين ترضين
ولو الشفا يشرونه الناس باثمان=دفعت له مال وذهب لين تشفين
لاكن قضاء ربي يجازيه باحسان=اجر وعوافي يابعد نور هالعين
يحفظك ربي من حسد كل شيطان=ياضحكة الدنيا ودرس المحبين
بكرة تقوم من التعب كنك حصان=وافتح لك بقلبي سطبل وميادين
يومين مرني مهن مثل ماكان=يومين ماشفت القمر يبتسم زين
من غيبتك حتى القمر خاطرة شان=وشلون قلبي يبتسم لو تغيبين

[سعود المسعودي]

الشاعر
سعود فرحان




صح لسانك وعلئ شأنك

وتسلم يمناك على الرائعه

لاهنت

[سعود بن فرحان]

المشاركة الأصلية كتبت بواسطة صقر الصقور

الشاعر
سعود فرحان




صح لسانك وعلئ شأنك

وتسلم يمناك على الرائعه

لاهنت

صقر الصقور صح بدنك يالغالي ولاهنت .

[بدرفهد الجعفري]

الشاعر سعود الفرحان

عساك دائم سالم وغانم على هذه القصيده ا لجميله

صح لسانك

[سعود بن فرحان]

المشاركة الأصلية كتبت بواسطة بدرفهد الجعفري

الشاعر سعود الفرحان

عساك دائم سالم وغانم على هذه القصيده ا لجميله

صح لسانك

بدر الجعفري
الله يسلمك ويعز مقدارك وجودك اسعدني كثيرا شكرا لك .

[سعد النفج]

سعود فرحان

صح لسانك و الله يكتب له الصحه و العافيه..

و ما هذا النص إلا مواصلة الابداع و التميز من سعود المطرفي ..

و لكن عندي ملاحظه..

( واللي خلق آدم و حوا من الطين )

آدم مخلوق من الطين و لكن حوا من ضلع أعوج من أضلاع آدم..

شكرا لك و شكرا لنصوصك المميزه..

[سعود بن فرحان]

المشاركة الأصلية كتبت بواسطة سعد النفج

سعود فرحان

صح لسانك و الله يكتب له الصحه و العافيه..

و ما هذا النص إلا مواصلة الابداع و التميز من سعود المطرفي ..

و لكن عندي ملاحظه..

( واللي خلق آدم و حوا من الطين )

آدم مخلوق من الطين و لكن حوا من ضلع أعوج من أضلاع آدم..

شكرا لك و شكرا لنصوصك المميزه..

استاذي القدير / سعد النفج
صح بدنك .. وجزاك الله الف خير
وبالنسبه للملاحظة : تأكد بأني اسعد عندما اجد ملاحظة منك اكثر من ان احظى بإشادة وثناء حيث اني اتأكد حينها اني قد لفت نضرك وهذا مكسب عظيم. دمت لنا استاذي وتقبل تحياتي بكل احترام