أحدٍ يموت وطيب الذكر يحييه

[نافع عيد الجديد]

السلام عليكم
من اجمل القصائد التي مرت علي هالقصيده
وحبيت تشاركوني روعتها وجزالتها ..

يا جاهل ٍ مر الزمان وحلاته
خذ هاك عقلي مانفعني ولا بيه
في هالزمان الطيب اعلن وفاته
الطِيب مات وكل طيّب يعزيه
يرحمك ياعود ٍ حفظ لك وصاته
يبيك تتبع ساقته ما تخليه
علمك سيئات الزمن وإحسناته
يامرك بالمعروف ليتك تماشيه
الله وهبنا دين واحسن صفاته
وانزل لنا التشريع واجزل معانيه
الحق والباطل عرفنا جهاته
وما يزرع المخلوق له يوم يجنيه
أحد ٍ له الدنيا على الكيف جاته
الله عطاه وكل شيٍ بـ اياديه
ما ذاق لوعات الزمان وشقاته
الفقر والتجويع يسمع بطاريه
وأحد ٍ يدور في زمانه نجاته
يبي الستر والعافيه بين اهاليه
عزيز نفس ولا يبدّل عباته
راضي ويدري عيشته ما تكفّيه
وأحد ٍ أبد ماخذ طبايع خواته
ضعيف رآي وكلمته ما تقديه
وأحد ٍ لبس ثوب المراجل بذاته
وا سِعد عين اللي من الضيق ناصيه
وأحد ٍ صميدع يرهبك بـ إلتفاته
حرٍ مطالعيه عن الناس تغنيه
وأحد ٍ يضيع صيدته من عماته
لا واخساره من ترجّى يعشيه
وأحد ٍ زرع ما نال غير الحتاته
الحظ كنه واقف ٍ له معاديه
وأحد ٍ قطف ورد الزمن وإثمراته
باب البخت مفتوح دايم يناديه
(( وأحد ٍ تساوى في حياته مماته
وأحد ٍ يموت وطيّب الذكر يحييه ))
الوقت لو يومي عليك بعصاته
ماهي غريبه منه هذي مماشيه
يابوي هات اللي يجي منك هاته
راضين باللي ماتكنه وتخفيه

الشاعر : علي المساعد

[سليمان الجعفري]

وأحد ٍ تساوى في حياته مماته = وأحد ٍ يموت وطيّب الذكر يحييه
الوقت لو يومي عليك بعصاته = ماهي غريبه منه هذي مماشيه
يابوي هات اللي يجي منك هاته = راضين باللي ماتكنه وتخفيه

الاخ نافع عيد الجديد

صح لسانك ولسان الشاعر

دائماً وطرحك راقي ومميز

الله يعطيك الف عافيه يالذيب

لك تحياتي واحترامي

[محمد الدلماني]

الله عليك ياخوي نافع اختيار رائع ينم عن ذوق صاحبه

وما يزرع المخلوق له يوم يجنيه
أحد ٍ له الدنيا على الكيف جاته

[فهد الشافي]

مشرفنا القدير نافع عيد الجديد

اختيار اكثر من رائع

لك الود

[نافع عيد الجديد]

سليمان الجعفري

لاهنت على المرور المشرف

دمت بسعاده

[نافع عيد الجديد]

محمد الدلماني
لاهنت على المرور المشرف

دمت بسعاده

[نافع عيد الجديد]

كاتبنا القدير فهد الشافي
لاهنت على المرور المشرف

دمت بسعاده