الشيخ محمد منديل الهذال احد مشايخ عنزه

[فهد السلقاوي]

الشيخ محمد بن منديل الهذال من شيوخ عنزه ناصحا اخاه زيد بن منديل الذي كان في مقتبل

العمر قائلا في جوهرته الشهيره:

تفكرت بالدنيا بنقصه وزوده=ولاشفت حسناها تكافي نكوده
يازيد انا باوصيك مني وصية=وصية عود(ن)مبهمات سدوده
ويازيد انا ابي اوصيك ياخوي بالهدى=ترى الهدى للدين مركز عموده
اوصيك بالضيف الذي قد لفت به=بليل وولد النذل باحلى رقوده
قم له الى ما نام غيرك عن القرا=ولا تحسب للخسارة وكوده
يا مرحبا يا ضيفنا وسط بيتنا=الاجواد تقري ضيفها من وجوده
فلا بد ما يقفون باكوار ضمر=للاجناب ياريف الهجافا بكوده
يعدون ما قد فات منك من الثنا=والاجواد يبدون الثنا في ردوده
ولولا الثنا ما صار للجود باعث=ولا للمراجل طارى من عدوده
خلك عن الجارات يازيد مجنب=و الشين حذرا لا تقرب حدوده
خلك ذرى الجارات ياكاسب الثنا=والاجواد ماتجعل ذراها وقوده
جاراتنا يازيد مثل امهاتنا=الوالدات اللي رضعنا ديوده
ترى الشيمة العليا بنا ما تغير=موارث جدود مرثتها جدوده
يكفيك من الخفرات بيضاء عفيفه=لا عفت هذي جبت الاخرى سدوده
ولي من قديم العمر يازيد شيمه=عن الجار لو شفت الضواري تروده
ماني بمن يشقى لتقريبها له=ولا باغي ذودي يخالط لذوده
ولا ني بلداد(ن) الى بيت جارتي=ولاباغي(ن) بالليل حلوى رقوده
ولا رافع(ن) طرفي لشق(ن) بثوبها=ولا يعجبن يازيد حمرة خدوده
ولانيب مطفاف الى شفت زولها=ولاني خفيف(ن)لو بحرني بسوده
ولاساري(ن)جنح الدجى عقب هجعة=ادور غرات النساء في اهجوده
انا اخو بتلا شوق وضحى محمد=مركي على كبد المعادي لهوده
انا مدبس الغارات في حومة الوغى=اليا جردوا سرد السرايا سنوده

اخوكم فهد السلقاااوي

[الصقار]

الاخ فهد السلقاوي

شكرا لك على ايراد هذه القصيده

التي تكتب باحرف من ذهب

جهود مميزه الله يعطيك العافيه

تقبل تحياتي

[جبار بن عابر]

انا اخو بتلا شوق وضحى محمد==مركي على كبد المعادي لهودها

رحم الله الشموخ الواثق

رحم الله اخو بتلا

اخــــي فهد بارك الله فيك والواقع القصيده في غاية الروعه ..رحم الله قائلها

ولو اهتميت بالتنسيق اكثر من ذلك واضفت حرف الالف للهاء في عجز البيت الثاني في كامل القصيده لكانت اكثر جمالاً .

تقبل مروري ولك وافر التقدير

[بدرفهد الجعفري]

فهد السلقاوي

شكرا لك على ايراد هذه القصيده التي تعتبر من عيون الشعر وعليها طلب كثير

الله يعطيك العافيه

[خلف الغريب]

الكريم فهد السلقاوي..

اجدت في الاختيار لهذه الدرة الثمينة التي تحوي القيم والشيم التي يتمتع بها ابناء عنزة الكرام

وما الشيخ محمد ابن هذال الا نموذج مشرف لقبيلة عنزة واكبر دليل هذه القصيدة التي تسمو عن الوصف ..


شكرا لك واستأذنك فقد عدلت بعض الاخطاء الاملائية واعدت تنسيقها ..

[فهد السلقاوي]

ماعندك الا حقك

ولا هنتم كلكم على هذه الاخلاق الساميه التي يرتقي بها كل شخص بهاذا الموقع

[تركي صالح]

أختيار رائع وقصيده أروع

دمت وسلمت اخوي فهد السلقاوي

وتقبل خالص التحايا