دام البكا يا ريم ما فيه تحريم !! - °~*¤®§(§ شبـــكة ويــلان العـربـيـه §)§®¤*~ˆ°

**هند آل فاضل** · 14/12/08, (12:11 PM)

كان الشاعر ممدوح بن عبد الله المرزوقي

ماراً من أحد الممرات وفي ذلك الممر كانت

(ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم !!! )

عندها ،، كتب الشاعر هذه القصيدة

أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبـن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيـم

وما يذبح الرجال مثـل الهزيمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه

قصيده راقت لي كثيرا ووقع أثرها بنفسي فأحببت أن أنقلها لكم

**فهد السلقاوي** · 14/12/08, (05:11 PM)

قصيده رائعه ومؤثره وتسلم يمينك على هذه القصيده

اخوك فـــــــــــهـــــــــــــــــــــد الــســلــقــــــــــــــــــااااااوي

**الجادل** · 14/12/08, (10:56 PM)

أختي هند آل فاضل

اختيار رااائع يعطيك العافية

أثرت في نفسي كثيراً

مازال صداها يتردد في وجداني ...

**سعد النفج** · 15/12/08, (10:26 PM)

هند آل فاضل

ذائقه رائعه

و اختيار مميز

شكرا لك على التميز اختي هند

**خلف الغريب** · 16/12/08, (10:16 AM)

ذائقة مميزة اختي هند ..

شكرا على الاختيار ..

المرزوقي شاعر كبير وله العديد من القصائد الجميلة..

**فهد الشافي** · 18/12/08, (02:37 AM)

اختي هند اختيار جميل وفقتي به

دمتي بخير

**محمد الدلماني** · 19/12/08, (05:28 AM)

أبكي حياتن صافيه ما بهـا غيـم

وين المحبـة والقلـوب السليمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

اختيارمتميز واحساس جميل اختي هند شكرا لنقلها هنا وصح لسان شاعرها