فمان الجوع واحساس العطش..ومفارقك صحرا

[الجوكر]

رائعه من روائع الأخ الغالي..

محمد الشـهري

اتمنى ان تعجبكم



فمان الجرح .. لا والله فمـان احزانـي الكُبـرى
فمان اغلى ثلاث سنين مِتّ بْها عشـان اعيـش

فمان الحب واحلام القلـوب البيـض والخضـرا
فمان الآه من كثر الزعـل والشـوق والتطنيـش

فمان عيونك اللي مالها بين العيـون .. اُخـرى
فمان غرورك اللي علّم الطاووس نفْـش الريـش

فمان عطورك اللي تسكن انفاسي .. وبالأحـرى
فمان انفاسك اللي تسكن عطوري ومدري ليـش؟

فمان الليل .. واحضان الدفا .. ومْصافح القمـرا
فمان الباب والشبّـاك يـوم اواعـدك ونطيـش

فمان التوت .. والرمان .. واحلى فاكهـه حمـرا
فمان الضحكه اللي كنّها مـن مبسمـك بخشيـش

فمان غيابك اللي ماتـرك لمواصلـك .. بُشـرى
فمان الشك وظنون الخطا والكـذب والتشويـش

فمان العيد .. كنّي به يجينـي وحالتـي تـزرى
يطبْطبْ فوق أكتافي حزن ويقـول لـي: معليـش

فمان الجوع واحساس العطش .. ومفارقك صحرا
تعبـت افتـش لْواحاتهـا واضنانـي التفتيـش

فمان ضلوع مكتـوبٍ علـى أنحاءهـا اليُسـرى
"هُنا توجد جروحي" لو تكرّمتـي: بـلا تنبيـش

فمان دموع لا تُسمـن ولا تُغنـي مـن الذكـرى
وانا اللي ماقدرت اطلع من اجوائي معك بشويـش

فمان الشارع اللـي كلمـا جيتـه .. وانـا أقـرا
معاناتي من اول يوم في وصلك إلـى التهميـش

فمان الشاعر اللـي يجمـع بتجربْتـه الصغـرى
فكر بدر .. ورومنسيّة نزار .. وفلسفة درويـش

فمان العاشق المجنـي عليـه .. بتسليـة عـذرا
من اول "بعشقك" حتى نهايـة "مـا تصبّرنيـش"

فمان الخوف ويدينـك جنـود وأضلعـي أسـرى
وانا فيني من الإحباط .. مايكفي هزيمـة جيـش

فمـان اشيـاء ماتنقـال للعالـم .. ولا تطـرى
ممالك حُب .. دمّرها اللعب وسْياسـة التطفيـش

فمان الإيش؟ ما أدري .. ولكـن الزمـان ادرى
وانا اللي ضاع مايدري .. حبيبه ضيّعه لجل ايش؟

فمان الله ياقلبـي مـع انـك جـرح مـا يبـرى
كتب ربي عليّ اعيش من دونك .. وانا ما اعيش

[بدرفهد الجعفري]

فعلا هي رائعه

شكرا اخي الجوكر على ذائقتك المتميزه

[الجوكر]

المشاركة الأصلية كتبت بواسطة بدرفهد الجعفري

فعلا هي رائعه

شكرا اخي الجوكر على ذائقتك المتميزه

الأخ الفاضل....بــــدر

التميز هو مرورك الراقي

دمت بصحه

[الصقار]

الجوكر
كالعاده لاتكتب.. الا ..الرائع

اختيار .ذوووووووق ومميز ..صح لسان الشاعر ,,

فعلاً قصيده جميله ..لاتمل من اعادة قراتها ..

تقبل فائق تقديري

[الجادل]

الجـــــوكر

اختيار رااائع ينم عن ذائقة مميزة

امتعتنا بروعتها ... وجمال رونقها

دمت بألق

[الجوكر]

المشاركة الأصلية كتبت بواسطة ابن هندي

الجوكر
كالعاده لاتكتب.. الا ..الرائع

اختيار .ذوووووووق ومميز ..صح لسان الشاعر ,,

فعلاً قصيده جميله ..لاتمل من اعادة قراتها ..

تقبل فائق تقديري

ابن هنـــدي

دائماَ لايكمل الجمال والأبداع الا عندما

ارى اثر قلمك بصفحتي

دمت بود

[خلف الغريب]

عذبة تدل على جمال روح صاحبها وعلو ذائقة ناقلها ..

تحياتي اخوي الجوكر بس انا شايفك تغيب لك مدة .. لا تكون متزوج مسيار ..ههههه