وفاء للشعر .. مع الرائع عاقل الزيد رحمه الله ...

[خلف الغريب]

شاعر ملك عنان المشاعر ...

تكلم شعرا فسمعت له الدنيا ..

كان وجوده انتصارا للشعر الحقيقي و كان رحيله خسارة كبرى لا تعوض..

هكذا هم الشعراء الكبار وهكذا كان عاقل الزيد الطويلعي رحمه الله..

حقيقة لم أملك إلا أن أترحم عليه فرحمه الله رحمة واسعة ...

قبل قراءة القصائد لا تنس عاقل الزيد من طلب الرحمة له ... فرحمه الله تعالى

ياصاحبي قلها على شان ترتاح=الكلمة اللي توجع القلب قلها
قلها عسى همك مع الليل ينزاح=وتفارق الضيقة وتلقى بدلها
اطلق عنان السالفة سدها باح=الى متى من دون صوت تختلها؟
خل الحديث لمبهم السر مفتاح=سود النواعس لاتبين زعلها
حاولت اصرح لك..وانا اعرفك لماح=بالصدق هذي..عن هذيك تعزلها
تعبت اجدّل من سهر ليلك مراح=واضفي على جرد المشاعر حللها
متعودٍ صدري على شلف ورماح=كم لي على شانك وانا محتملها
لاغيمة ٍ تمطر ولابارق ٍ لاح=على مداهيل خفوقي نزلها
ماظن باقي بالفرح كثر ماراح=الفرحة اللي تنتظرها من قتلها
تعال اوسع صدرك ان ضاق وارتاح=والكلمة اللي توجع القلب قلها

وله هذه الشهيرة

ياليتني لاطحت..لاطحت.. لاطحـت =ما اطيح عنـد اللـي تمنـى مطيحـي
اللي بوجهه عـن فـؤاده تصفحـت =لو كان لـي فـي غايتـه مايبيحـي
جاملت واغضيت وتسامحت واصلحت =وقلت الحقيقة والعزاء اني صريحـي
مايـوم والله خنـت والا تمصلحـت =حتى عـن اعدايـه بذمـي شحيحـي
وان مر طاري طيحتي بالنظر شحت =موتـي ولا شوفـي لقلبـي جريحـي
بيدين من حلمه وأمل عمـره البحـت =يصير حلمه علـم واصبـح ذبيحـي
وانا الله اعلم كم دمحـت وتسامحـت =وصديـت كنـي دالـه ٍ مستريحـي
يايعربي خذها صريحة اليـا رحـت =اقولهـا ولسـان شعـري فصيحـي
ليتك عن مطاول سهر ليلك امرحـت =وكسرت عن جفن السهـر لا يطيحـي
عاد.. أنت توحيني ياليتـك تريحـت =يوم أنت لا نـدي ولانـت بنطيحـي

[الصقار]

الاخ خلف .....الف شكر على هذا الوفاء الذي ليس بغريب على شخص مثلك

ورحم الله الشاعرعاقل الزيد بواسع رحمته وعفا عنه ..

[عليا الشمري]

:
:
رحمه الله رحمة واسعه لم يكن عاقل الزيد الشاعر فقط!!
بل كان الشاعر والأنسان الراقي والنقي
جعل الله مسكنه روضاً أخضرا ...
أفتقده الشعر وافتقده محبيهم
والذين أنا أحدهم............ رحمه الله
أخي خلف بيض الله وجهك على هذا النقل وهذا التذكير
:
:

[حمد الخمعلي]

خلف الغريب

دائماُ وانت تدهشنا في اختياراتك للقصائد المميزه0

عاقل الزيد لا يختلف عليه اثنين في شعره0

وهو احد الاصداق0

رحمك الله ياعاقل واسكنك فسيح جناته0

[نافع عيد الجديد]

شكرا على هذا الانتقاء المميز اخي ابو خالد لهذا الشاعر الكبير رحمه الله

[سعود المسعودي]

ابوخالد
الله يعطيك الف عافيه طرح راقي


ورحم الله الشاعرعاقل الزيد بواسع رحمته وعفا عنه

[جبار بن عابر]

اخــــي خلف الغريب

جزاك الله خيرا الجزاء على هذه اللفته الجميله

ورحم الله ابوسلطان

غفرالله له وتجاوز عنا وعنه ..اللهم امين