قم شق صدري تشوف ان الغلا مشرع =ماعندك الا غلاك وزولك وودك - °~*¤®§(§ شبـــكة ويــلان العـربـيـه §)§®¤*~ˆ°

**ابوالهيثم** · 07/07/08, (12:45 AM)

يسعدلي مساءكم جميعاً جتني رساله على الجوال من (؟؟؟)يقول

الوه صوتك بعيد وخطك يقطع = واذا انفصل فاشل الارسال من عندك
الصدر ضايق وراسي منك متصدع = ويشدني شي عمره مابعد شدك
طبعاً القصيده طويله وانا لا ادري هل هو قايلها اولا

استثارني بالقصيده ورديت عليه بهذه القصيد ه امل ان تحوز على اعجابكم

الوه انا اسمعك بس الخط مايجمع = صوتك يروح ويجي ماسمع بعض ردك
ابتسمع لصوتك بس مايسمع = تكفا تقرب تلفونك على خدك
ماشوف بالشاشه الا برج متقطع = ادور الذبذبه ومشي على حدك
دقيت في وقت محتاجك ومتوجع = ياوجد حالي على صوتك رغم صدك
ماقول صدفه لاوالله كنت متوقع = انك تدق وتشوف اللي فعل وجدك
قم شق صدري تشوف ان الغلا مشرع =ماعندك الا غلاك وزولك وودك
الصدر ضايق وقلبي فيك متولع = اصرف الشوق بس الشوق ماهدك
على الثريا شبكت الخط ويجمع = لو الدقيقه بميه ماغلت عندك
وشلي بصبر قديم وثوبه مرقع = ماصبر على غيبتك يالعنبو ودك

**عليا الشمري** · 07/07/08, (01:08 AM)

دقيت في وقـت محتاجـك ومتوجـع
ياوجد حالي على صوتك رغم صـدك

ماقـول صدفـه لاوالله كنـت متوقـع
انك تدق وتشوف اللـي فعـل وجـدك

الله قمه في الشعر والشعور معا ..
صح لسانك شاعرنا ..
وصحت قوافيك المترفه ..
تقديري ..

**ابوالهيثم** · 07/07/08, (08:18 PM)

اقتباس:

المشاركة الأصلية كتبت بواسطة العليا

دقيت في وقـت محتاجـك ومتوجـع
ياوجد حالي على صوتك رغم صـدك

ماقـول صدفـه لاوالله كنـت متوقـع
انك تدق وتشوف اللـي فعـل وجـدك

الله قمه في الشعر والشعور معا ..
صح لسانك شاعرنا ..
وصحت قوافيك المترفه ..
تقديري ..

لعليا سعدت جدا بمروركـ
ولا تحرميني من ردودكـ
وصح بدنك

**سالم صالح** · 07/07/08, (02:21 AM)

صح السانك قصيدة جميلة من شاعر اجمل

ملاحظة ارجوا ان تتقبلها بصدر رحب ------- (كان ودي تضع كلمة متربع بدل كلمة مشرع ) وهذه وجهة نظر تقبل الصواب والخطا

وهذا لايغير في جمال القصيدة فهي رائعة بروعة شاعرها وكذلك موضوعها جميل جدا

تقبل تقديري واحترامي لشخصك دمت بخير وصحة

**ابوالهيثم** · 07/07/08, (08:25 PM)

اقتباس:

المشاركة الأصلية كتبت بواسطة سالم صالح

صح السانك قصيدة جميلة من شاعر اجمل

ملاحظة ارجوا ان تتقبلها بصدر رحب ------- (كان ودي تضع كلمة متربع بدل كلمة مشرع ) وهذه وجهة نظر تقبل الصواب والخطا

وهذا لايغير في جمال القصيدة فهي رائعة بروعة شاعرها وكذلك موضوعها جميل جدا

تقبل تقديري واحترامي لشخصك دمت بخير وصحة

هلا وغلا بيك اخوي سالم مرورك يسعدني

تقبل تحياتي

يسعدني وجود ملاحظتك في قصيدتي (متربع يكسر البيت )(ولايتطابق معناء مشرع مع متربع ) والشكرك مره ثانيه

**الصقار** · 07/07/08, (10:20 AM)

الصدر ضايـق وقلبـي فيـك متولـع
اصرف الشوق بس الشـوق ماهـدك
على الثريـا شبكـت الخـط ويجمـع
لـو الدقيقـه بميـه ماغلـت عنـدك ........
ابو الهيثم مساء الخير والانوار ....صح لسانك ...قمة الابداع وانا اتمنى كل ماافتح الجهاز اجد قصيده جديده
دقيت في وقـت محتاجـك ومتوجـع
ياوجد حالي على صوتك رغم صـدك....
تقبل مروري ولك جزيل الاحترام

**ابوالهيثم** · 07/07/08, (08:28 PM)

اقتباس:

المشاركة الأصلية كتبت بواسطة ابن هندي

الصدر ضايـق وقلبـي فيـك متولـع
اصرف الشوق بس الشـوق ماهـدك
على الثريـا شبكـت الخـط ويجمـع
لـو الدقيقـه بميـه ماغلـت عنـدك ........
ابو الهيثم مساء الخير والانوار ....صح لسانك ...قمة الابداع وانا اتمنى كل ماافتح الجهاز اجد قصيده جديده
دقيت في وقـت محتاجـك ومتوجـع
ياوجد حالي على صوتك رغم صـدك....
تقبل مروري ولك جزيل الاحترام

هلا اخوي ابن هندي
نورت يالغالي قصيدتي بمرورك وطراءتك الجميله