غيــّــرت لي عن طرق وإخترت لي طرق .. - °~*¤®§(§ شبـــكة ويــلان العـربـيـه §)§®¤*~ˆ°

**أبو فهاد** · 25/05/08, (09:47 PM)

السلام عليكم ..

قصيدة أتت لي بالبلوتوث وأعجبتني كثيراً وأحببت أن أنقلها لكم ..

غيرت لي عن طرْق وإخترت لي طرْق
.................... طرْق الهنوف اللي ذبحني بــ طرقه !!

إما يحرقني حرق وإلا أحرقه حرق
.................... وإن ما حرقته له نظام .. يحرقه !!

ولا عشت في الحيلة .. ولا عشت في الدرق
.................... ولا أُتهمت في درقه .. ولا جبت درقه !!

ويا ضلع وين الورق .. ما مرّك الورق
.................... اللي عيونه تسرق النوم .. سرقه !!

اللي يخيل البرق .. لو مابرق برق
.................... وين السحاب .. ووين غيمه .. وبرقه !!

عنا .. بحر غربي .. وعنا بحر شرق
.................... وخفر السواحل بين غربه وشرقه !!

على الطوارف بيض .. وعيونها زرق
.................... متـوقــّــعين إنه تجي فيه غرقه !!

والرب واحد .. والبشر بينها فرق
.................... يـبـيــن في دينه .. ودنياه .. فرقه !!

والطيب زرقة رمح .. وإن ما رقيت إرق
.................... قبل تموت .. وسبـّــة الموت .. شرقه !!

الشاعر : عوض خيران الرشيدي .. !!

**شمــــــــوخ** · 26/05/08, (08:43 PM)

:

آختيار ذوووق

شكرآ لك

**خلف الغريب** · 27/05/08, (09:10 AM)

اختيار رائع يا ابو فهاد ...

جزلة جدا وشاعرها جزل ولا هو غريب عليهم الجزالة عموما ...

سلمت يمناك ..

**الصقار** · 27/05/08, (12:09 PM)

الطيب زرقت رمح ون مارقيت ارق
قبل تموت وسبت الموت شرقه
شكرا على الاختيار ....... قصيده رائعة

**نايف الشبيعان** · 27/05/08, (04:01 PM)

والطيب زرقة رمح .. وإن ما رقيت إرق
.................... قبل تموت .. وسبـّــة الموت .. شرقه !!

صح السان الشاعر ويعطيك العافية على الإختيار الرائع

**سعود المسعودي** · 28/05/08, (12:56 AM)

صح السان شاعرها وسلمت يمين ناقلها ابوفهاد
اختيار موفق واكثر من رائع يعطيك العافية