عـشـقـي وجـرحـي !!

[بندر البجيدي]

بدون مقدمات
/
/
/
كما هي

ياقلب خلك مصطدم بالغرابيل=توّك على زين الحياة وسعدها
وياعين هلّي دمعك بتالي الليل=ترى دموع العشق ماحدٍ نقدها
عشقي وجرحي واكتئاب وولاويل=هموم أضفت فوق حالي نكدها
وزودٍ على هم النكاده بهاذيل=وادهى وامرّ منها وامرّ وادهى
البال ضايق ياعساها تساهيل=والحال عيّت تلتئم مع جسدها
حسبي على من غيرتني عن الجيل=الروح ذابت لين ربي قردها
أرقى على راس الجبل واقعد آخيل=عساه تاتي وتلتزم في وعدها
لنّه كما غيمه مطرها هماليل=اللي سنا برقه يسابق رعدها
وان ماجتن واقبل علي ظلمة الليل=اقول يمكن حظه اللي جحدها
ماقدر اقول انه علي تقسي بحيل=لنّه هوى روحي وهيّ رغدها
ابعد علي من الثريا مع سهيل=واقرب لي من قلب المره لا ولدها
اشفق عليها شفقة البدو للسيل=تبغى الربيع بس ماهوب يدها
ديارها ماتت من القحْط والويل=وراحت مطاياها وزادت ضهدها
وانا علي اكتب واجاذب مواويل=واسهر ل طيف الغاليه هي وحدها
رغم اني من صلب الرجال الحلاحيل=ارداهم اللي للطويله صعدها
إلا انّي شخصٍ مانفع فيه تحليل=حُمّى المحبة ضمّها ،، ماطردها
لاتنتقد ياراعي القال والقيل=عيش الحكايه قبل ماتنتقدها
ول طاري هروج العشق ماني امطيل=خذ الحقيقه ياولد واعتمدها
دامي بذرت الحب وهذي محاصيل=الله يعين الروح ويّا جسدها

/
/
اخوكم الصغير
بندر نغيمش البجيدي

[خلف الغريب]

بندر البجيدي...

رائع ومبدع لا هنت ..

الف صح لسانك ..

لاتنتقـد ياراعـي القـال والقيـل
...........................عيـش الحكايـه قبـل ماتنتقدهـا

ذكرتني يا بندر ببيت المتنبي الشهير :

لا تعذل المشتاق في اشواقه
...............................حتى يكون حشاك في احشائه



تحياتي لك بندر..

[بندر البجيدي]

المشاركة الأصلية كتبت بواسطة خلف الغريب

بندر البجيدي...

رائع ومبدع لا هنت ..

الف صح لسانك ..

لاتنتقـد ياراعـي القـال والقيـل
...........................عيـش الحكايـه قبـل ماتنتقدهـا

ذكرتني يا بندر ببيت المتنبي الشهير :

لا تعذل المشتاق في اشواقه
...............................حتى يكون حشاك في احشائه



تحياتي لك بندر..

اخي خلف الغريب

شكرا لك على مرورك يالغالي

ولاهنت على اطرائك

تسلم

[سالم صالح]

الشاعر المبدع


بندر البجيدي


صح السانك قصيدة رائعة والمحبة وانا اخوك مابها مناقيد الي قبلنا قالوها


دمت بكل خير وصحة

[بندر البجيدي]

المشاركة الأصلية كتبت بواسطة سالم صالح

الشاعر المبدع


بندر البجيدي


صح السانك قصيدة رائعة والمحبة وانا اخوك مابها مناقيد الي قبلنا قالوها


دمت بكل خير وصحة

سالم صالح

صح بدنك

ولاهنت على مرورك

واشكرك على اطرائك

تسلم يالغالي

[عادل العايش]

المشاركة الأصلية كتبت بواسطة بندر البجيدي

بدون مقدمات
/
/
/
كما هي

ياقلب خلك مصطدم بالغرابيل=توّك على زين الحياة وسعدها
وياعين هلّي دمعك بتالي الليل=ترى دموع العشق ماحدٍ نقدها
عشقي وجرحي واكتئاب وولاويل=هموم أضفت فوق حالي نكدها
وزودٍ على هم النكاده بهاذيل=وادهى وامرّ منها وامرّ وادهى
البال ضايق ياعساها تساهيل=والحال عيّت تلتئم مع جسدها
حسبي على من غيرتني عن الجيل=الروح ذابت لين ربي قردها
أرقى على راس الجبل واقعد آخيل=عساه تاتي وتلتزم في وعدها
لنّه كما غيمه مطرها هماليل=اللي سنا برقه يسابق رعدها
وان ماجتن واقبل علي ظلمة الليل=اقول يمكن حظه اللي جحدها
ماقدر اقول انه علي تقسي بحيل=لنّه هوى روحي وهيّ رغدها
ابعد علي من الثريا مع سهيل=واقرب لي من قلب المره لا ولدها
اشفق عليها شفقة البدو للسيل=تبغى الربيع بس ماهوب يدها
ديارها ماتت من القحْط والويل=وراحت مطاياها وزادت ضهدها
وانا علي اكتب واجاذب مواويل=واسهر ل طيف الغاليه هي وحدها
رغم اني من صلب الرجال الحلاحيل=ارداهم اللي للطويله صعدها
إلا انّي شخصٍ مانفع فيه تحليل=حُمّى المحبة ضمّها ،، ماطردها
لاتنتقد ياراعي القال والقيل=عيش الحكايه قبل ماتنتقدها
ول طاري هروج العشق ماني امطيل=خذ الحقيقه ياولد واعتمدها
دامي بذرت الحب وهذي محاصيل=الله يعين الروح ويّا جسدها

/
/
اخوكم الصغير
بندر نغيمش البجيدي

أخوي بندر البجيدي

صح الله لسانك على هذه القصيده الجميله والرائعه بروعة حظورك

تقبل مروري

[بندر البجيدي]

المشاركة الأصلية كتبت بواسطة عادل العايش

أخوي بندر البجيدي

صح الله لسانك على هذه القصيده الجميله والرائعه بروعة حظورك

تقبل مروري

عادل العايش

صح بدنك ولاهنت

على مرورك

تقبل تحياتي