اهداء لرئيس مجلس الإدارة وجميع ابناء القبيلة/

[ابو البدر]

الإخوة الكرام

قد يكون ما كتبته لم يرق بطرحه للكثير ولكن السبب في كتابة قصيدتي هو الغيرة على ابناء قبيلتي لا اكثر من ذلك

عموما انا حبيت اهديكم هذه القصيدة لعلها انشاء الله تحوز على رضاكم,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

جملينا يالقوافي واستري وجه القصيد=حملك اثقل من هضاب المملكة وجبالها
هاتي البيت السمين وهاتي المعنى الفريد=شاعرك ما كل كلمة تعترض له قالها
الشعر به نستفيد وفيه شي ٍ ما يفيد=وكم صبي ٍ لاعقد يبلش بحل حبالها
من تصيد كلمته واحكم نظرها من بعيد=صادها واليا ارتكى لحمول متنه شالها
ومن تأنى بالمعاني واتبع راي ٍ سديد=ما جهل واليا جهل يلقى بها جهالها
الحروف اخطر من سيوف المعاني لو تحيد=عن دروب الحق والعقبى مهي عقبالها
وكل بيت ٍ ما غدى للبيت الآخر كالعضيد=فالسكوت عن الحروف من القصيد اشوالها
استفيضي يا مشاعر وانشدي بأحلى النشيد=وابدعي بالابة اللي تفتخر برجالها
لابتي هم عزوتي هم محزمي واغلا رصيد=لابة ٍ بين القبايل عالي ٍ منزالها
من نصاها في ذراها عاش بالعيش الرغيد=لا نشدته قال (وايل طيب الله فالها)
انتخو له واكرمو له والكرم له في مزيد=جلسوه وحسسوه بقدرها وجلالها
لابة ٍ يفخر بها التاريخ والعالم يشيد=والسوالف ما نخوض بقصرها وطوالها
وكل يوم ٍ تجتمع به لابتي هو يوم عيد=والتكاتف من قديم الوقت هذا حالها
يا سلام الله عليكم عد ما طاف العبيد=بالحرم واعداد ما ينشي صدوق خيالها
وعد ما طاح المطر والعشب ينبت من جديد=وعد ما غير شعيب ٍ سال لون رمالها
يا الرجال اللي لها عز ٍ ومجد ٍ ما يبيد=وارثين العز حتى سلموه عيالها
كل ما يولد وليد وقيل بأنه جا وليد=الوليد اليا انولد جا يتصف بخصالها
وايلي ٍ وارث ٍ من لابته عزم ٍ شديد=يتبع اقوال الرجال وفعلها وامثالها
ما تسيده الظروف القاسية ويعيش سيد=شامخ ٍ راسي ولو تصعب عليه احوالها
كن في رجله عن دروب الخزى والعيب قيد=ما مشى للناقصة ولا دخل دخالها
عفة النفس . الكرامة .وقفت الرجل العنيد=قوم .تملي قولها بالحق ما يملا لها
لابتي هم عزوتي هم محزمي واغلى رصيد=لابة ٍ بين القبايل عالي ٍ منزالها

أخوكم الشاعر / عيد البطحي البجيدي العنزي

[ماجد الغانم]

الأخ العزيز

ابو الوليد
((الشاعر / عيد البطحي البجيدي العنزي))

اولاً حياااك الله بينن اخوانك هنا في هذا الصرح الشامخ

وتشرفنا بوجودك بيننا

..

وصح لسااانك ..ولاهنت

على هذه القصيده الجزله ...التي اتحفتنا بها

وكل شخص يحق له أن يفتخر بلايته وعزوته ..

وأنت قدمت لنا هنا قصيدة فخر من الطرااز الجميل

لله درك ...ولا فض فوك

دمت بكل خير

وداام هذا التميز

بإنتظار المزيد من الأبدااع

تقبل تحياااتي

[محمد المقبل]

ابو الوليد

الشاعر عيد البطحي البجيدي العنزي

شكرا لك على هذه الهديه الجزله

والتي تحتوي على الفخر والاعتزاز

ويحق لك الفخر والاعتزاز ببني وائل أهل الفخر والفعول الجزائل

وهذا النص يحتحق الاشاده ولافتخار به وبشاعره

دمت وادام حضورك الراقي

لك مني جل التقدير والاحترام

[سعد النفج]

أبو البدر

صح لسانك

و لاشك أنك شاعر متمكن و رائع تعزف على وتر الابداع و تنحني لك الكلمات.

تحمل من الغيره على قبيلتك و ابناءها الشيء الكثير.

الله يعطيك العافيه و حنا مقديرين مواقفك النبيله و التي تدل على الشهامه التي تحملها .

لك مني كل التقدير و الاحترام. واعذرني على القصور يا بو البدر

[ابو البدر]

الأخ ماجد الجعفري

شكرا ً لك

والشرف لي انا بوجودي بينكم واعدكم بما يسركم بإذن الله

لك احترامي

[ابو البدر]

محمد المقبل

إشادة بمثابة الوسام

اتمنى أن اقدم ما يليق بهذا الصرح الشامخ

لك مني جزيل الشكر

تقبل تحيات اخوك / ((((((( ابو البدر))))))

[ابو البدر]

سعد النفج

صــح لســــــــــانك

ألف شكر على هذا الثناء


أيها المبدع الرآئع اشكرك جزيل الشكر

تقبل تقدير اخوك ( أبو ألبدر)