ايها الاخوة والاخوات
اسعد الله اوقاتكم بالخير والمسرات00
شاركونا00
فالجميع كتب عن الوطن0
شاركونا (شعراء وشاعرات واعضاء)بماكتبتم أو بما تختارون من القصائد الوطنيه لشعراء آخرين على ان لاتزيد المشاركه عن سبعة ابيات0
أو بكلمة عن الوطن لمن لايحفظ من الشعر شئياً
المقصد هو ان نرسم هنا لوحاتٍ شامخه شموخ الولاء الذي يعمر صدورنا جميعاً 00
دمتم ودام عزكم0
كلنا شعب وقيادة تفاني وألتحام=امةٍ لحفادهــا المجد ورث اجدادها
من عشق نجد الشيم0الوطن عشقه وسام=كل روحٍ بالولاء له يفوح اقنادها
أرض طيبه وأفضل الخلق والبيت الحرام= أرض من ذادوا عن أسمى الشيم وأبلادها
نعم كلنا شعب وكلنا قيادة وكلنا لراية التوحيد الخضراء الشامخه وكلنا لهذا الوطن المعطاء و لحكومته الرشيده ورمز مجده ونبراس عزته00
وطن المجد الذي ترفرف راياته عاليه وستبقى عاليه بمشئة الله0 تزينه الامجاد وتعطّره سيرة الاجداد ومفخرة الاحفاد وطن الحب والسلام000
خصه الله بمهبط أفضل الخلق وخاتم الانبياء وأختار له صفوة رجالٍ يحني التاريخ لهم هامته عطّروا ثراه بمآثرٍ عظيمه ستبقى مابقيت البشريه ومنحوه صادق الولاء ووافر الجهد وأصدق الاخلاص والعمل ومن حولهم وقف شعبٍ شامخ شموخ كرامته وعزة مكانته00 شعبٍ عاهد قيادته على الولاء المطلق قولا وعملا فما لانت عزيمته وماوهنت همته صفٍ واحد وصوتٍ واحد وعملا واحد00 ردد بصوتٍ لايقاوم00
حنّا فهد مجد وكيان وقـبـيـله= حنّا فهد شعب وقيادة ودوله
حنّا سواعد محتمين الدبيله= صغيرنا واللي بسن الكهوله
حنّا الولاء والأنتماء والفضيله= حنّا الوفاء عز وعقيده وطوله
صفٍ كما البنيان ساسه يشيله= تعجز خفافيش الدجى ماتنوله
ولاغرابه بذلك فنحن ابناء اولئك الذين ضحوا بكل غالي ونفيس وأسسوا وبنوا اعظم كيان عرفه التاريخ بعد صفوة الخلق ومنحونا الرايه وكلفونا بالامانه وغرسوا انبل القيم بأنفسنا وأوصوا ان نوصي بها من بعدنا0 أرثٍ تقوم عليه الامم وتقاس عليه الهمم00 وهانحن نردد
حنّا فهد0 حنّا لفهد كلنا جنود= لاعاش رأسٍ لاعتزاء ما اعتزاله
واللي على الرايه موثّـق وماجود=السيف0 والنخله. ورمز الجلاله
أعظم علم له نجتمع بالولاء حشود= شرق الوطن0 غربه0 جنوبه0 شماله
نعم شرق الوطن غربه جنوبه شماله00 نجتمع على غايةٍ واحده ونتفق على هدفٍ واحد صفٍ لايتزعزع ولايلين جانبه هكذا نحن وسنبقى بمشئة الله000
لنبدأ وننصت لبوح مهدي العبار العنزي الذي اتى يزف مشاعرٍ تمثلنا وتتحدث عنا فماذا قال مهدي :
يامليك قلوبنا قبل البلادي= يازعيم المرجله رمز القياده
يافهد ياعز من شاف النكادي= وأنت خير وسلم وإصلاح وعباده
ياحبيب الشعب من حضر وبوادي= أنت ساكن في عيونه في فؤاده
كل شعبك بالدعا صوته ينادي=والشعوب المسلمه تدعي زياده
رافعين لخالق الكون الايادي= يحفظك ربٍ لطيفٍ في عباده
أنت ياعز العروبه ماأنت عادي=بالتسامح والشجاعه والرياده
يحفظك ربٍ رفع شان الجهادي= دعوةٍ من شعب مخلص في وداده
ونشرّع صدورنا لصوتٍ آخر يحمل مشاعر الولاء ويرسم مشاعرنا بصدق وآمانه00
عبدالرحمن القريني00 والشعب كله بالسلامه يهنيك00
ياكبر فرحتنا وياسعدنا فيك= ياخادم البيتين يحفظك مولاك
من كل شرٍ يأبيض الوجه يحميك= آمين ويطوّل بعمرك ويرعاك
الشعب كلّه بالسلامه يهنيك=عافاه ربي يوم بالخير عافاك
كنه قبل رب المخاليق يشفيك= هو العليل ويشتكي لاجل شكواك
شعبٍ على روحه يحبك ويغليك=وأغلى من عيونه وبالروح يفداك
شعبٍ على صدق المشاعر مصافيك= وفاه يكبر وأنت تكبر عطاياك
شعبٍ رفعته فوق الامجاد بيديك= مااحدٍ يلومه فيك لو مات لرضاك
ونودع شاعرنا بالحب لستقبل عزفٍ آخر وصوتٍ ينساب بالحب والولاء000
بندر بن بدر الضيط00 ويشفيك رب البيت00؟
ياخادم البيتين نسل الكرامي= يشفيك رب البيت منجي دخيله
انت الزعيم اللي على الحق قامي= ولاحط له من دون شعبه وسيله
وأنت الحليم ونلت تاج السلامي= رافع شعار الحق والله دليله
بالراي والحنكه مسكت الزمامي= حلحيل ماتنحال في كل حيله
من شرع رب البيت مبداك سامي= واضح وضوح النور وقت المقيله
وهذا فهد النايف00 ودرع البلاد00
ادعوا لحاكمنا فهد بالسلامه= زعيمنا اللي بالعرب ماله امثال
درع البلاد ونور قصر اليمامه= ياكم شرب في ساعة الضيق فنجال
زيزومها وان كانها بالزعامه= لاكبرت القاله على كل رجال
يفرض على كل الوجود احترامه= في حنكته يبهر تفاكير الابطال
أخو السياسه والدهاء والفهامه=وأبو اليتامى والارامل والاطفال
نغليه ونحبه ولابه ملامه=من يوم كنا اطفال لليوم لازال
ونختتم مجلسنا بهذا المعزوفه وسعد هذيل الفريدي000
لاباس يافهد العروبه والاسلام=ياخادم البيتين مكه وطيبه
الله يجيرك خالق الخلق علام=الواحد اللي كلنا نلتجي له
يشفيك ممافيك خلاق الانام=ويجيرك المعبود من كل ريبه
وتبقى سليمٍ للبلد يابن الاكرام= يالفيصلي يابن الرجال العريبه
ايها الاخوة والاخوات هذه مقتطفات مماقيل000
ونحن على أنتظار تواجدكم وتسجيل حضوركم بمشاعركم الوطنيه التي تنبض بالولاء والحب لهذا الكيان الشامخ وقيادته الرشيده00 تحياتي 000
16/06/05, (03:05 PM)
صوت الولاء ..؟
العرض المتطور
