قول الصحيح ولا يبيله شهودي - °~*¤®§(§ شبـــكة ويــلان العـربـيـه §)§®¤*~ˆ°

**ماضي الصبر** · 20/02/08, (08:37 PM)

[color=000000]

بسم الله الرحمن الرحيم

السلام عليكم ورحمة الله وبركاته...

أعضاء ورواد هذا المنتدى

هذه القصيدة للشاعر الكبير

سعود بن ضفيدع المريحمي الجعفري

وهو غني عن التعريف

آملين أن تنال هذه القصيدة على إعجابكم.....

[/color]

بسم الذي يعلم جميع الخفاوي = خلاق صم اجبالها والنفودي
متفردن بامره وحيدن خلاوي = في حرف كاف ونون كان الوجودي
ياالله يامحيي البلاد السناوي = انت الرجا يوم الاوادم حشودي
بعده بديت القيل ماني مراوي = قول الصحيح ولايبيله شهودي
امدح ربوعي دام بالشعر قاوي = جعافره يوم اللوازم عضودي
ياعيال نومس يابعاد الهقاوي = عسا لياليكم دومن اسعودي
من ساس ربعن ياصلون الحراوي = ان صار ضربن بالنمش والزنودي
وان صار ذيب من ورا ذيب عاوي = ترسون يالويلان مثل الحيودي
وان قرطن بعض العذارا الغطاوي = تردون حياض الموت ورد الورودي
من ساس جدن بالشجاعه رهاوي = من دونا وجودكم من اجدودي
جعافره ليابلنها البلاوي = خصيمها يحرم عليه الرقودي
ليارفعوا صوت الحدا والعزاوي = كم واحدن طشوه حدر اللحودي
خلو حريمه يدفعن النعاوي = ولي سلم عاهد لهم مايعودي
وصلوا على خير العباد الحياوي = اعداد ماهبت ذعاذيع نودي

**ماجد الغانم** · 22/02/08, (02:57 AM)

الأخ العزيز

ماضي الصبر ...

الله يعطيك العافية على هذا النقل الجميل

وصح لسان أبو مشعل واالله يعطية العافية

والنعم بالنوامسة .

تقبل خالص تحيااااتي...
.
.
.

تم نقل الموضوع الى هنا بعد مراسلة الأخ ماضي

**فهد الشافي** · 22/02/08, (01:58 PM)

الشاعر ماضي الصبر مشكور على نقل هذه القصيدة الجزلة وصح لسانك ولسان

شاعر الكبير

سعود بن ضفيدع المريحمي الجعفري

اختيار موفق دال على حسك الشعري المتميز

تحياتي

**المراسل** · 23/02/08, (03:31 PM)

صح الله لسان الشاعر قصديه جزله

والف نعم بالممدوحين فهم يستحقون ذلك بلا شك

وشكرا لك ياماضي على نقلها هنا

وفقك الله

**سعود المسعودي** · 24/02/08, (08:58 AM)

الأخ العزيز

ماضي الصبر ...

الله يعطيك العافية على هذا النقل الجميل

وصح لسان أبو مشعل