@ طعنة ظهر @

[سعد النفج]

الحر يوم الهد بيـّـن من الهدّ=والشعر عندي حر واليوم هده
حررته من البرقع و لدّ ثم لدّ=وكفخ ورا من شد فوق الاشده
مس ٍ لمس تفكيره و جاك مرتدّ=متحدر ٍ من فوق راس ٍ تعده
من عقب ماهو بالوفا دوم ينعدّ=اليوم غيـّـر بالوفا والموده
لياصار خلك ما يواسيك بالجدّ=وقت الرخا به ناسه اللي تسده
ليا جتك طعنات الاصاحيب باليدّ=طعنات عرق ٍ تكنزه ثم تشده
ياشينها وانا مشاويري عقدّ=ماهي مزوح ولا كلام ٍ ترده
يوم ان قلبي يفرش الورد والودّ=وانت الضغينه داخلك مستجده
حتى الجماله مالها فزوع تنعدّ=وماتت معاريف الزمن والمكده
ويبست غصون الصدق باليوم الاسودّ=والضيق معبر بين مده و مده
مخطي نعم مخطي ولاجيتك بصدّ= مسامحك لو سيفك ذبحني بحده
جزيتني نكران وشلون تجحدّ=شلتك وانا مالي على النفس شده
رفعتك بكتف ٍ به الحيل منهدّ=حتى عزومي من رفعتك مهده
علمتك اسلوب الرمايه مع الندّ=واليوم ترميني و حيلي تهده
( طعنة ظهر ) مابعد ترويضها ردّ=تجبر عزيز ٍ ضاق ثم باح سده
عواصف ..و ظلمه ..و سحب اتلبدّ=وانا التراب ازريت عني ارده
اوهمت نفسي بالنجاه و ترددّ=كلام ( ابوي ) وقمت غصب استرده
يقول : ( يا وليدي ) ترى الوضع مشتدّ=وما كل واحد ودك اشبه بوده
ويقول : بعض من العرب مالهم ودّ=لا ترخي بحبلك و حذرا تشده
نعم ( يبه ) فهمت قصدك وانا اشهدّ=ان الرفاقه ماهي بطول مده

[ماجد الغانم]

الأخ الغالي ....
والشاعر الرائع

سعد النفج


صح لسانك .......ولاهنت

على هذه القصيده الجزله ...

لله درك ....ولافض فوك


دمت بكل خير

تقبل خالص تحيااااااتي

[سعد النفج]

المشاركة الأصلية كتبت بواسطة ماجد الجعفري

الأخ الغالي ....
والشاعر الرائع

سعد النفج


صح لسانك .......ولاهنت

على هذه القصيده الجزله ...

لله درك ....ولافض فوك


دمت بكل خير

تقبل خالص تحيااااااتي

الاخ والشاعر العزيز/ ماجد الجعفري

صح بدنك

شرفتني بوسام مرورك..

ماجد .. كلماتك شهاده اعتز بها..

[صالح الجطيلي]

ويقول : بعض من العـرب مالهـم ودّ @ لا ترخـي بحبلـك و حـذرا تـشـده

الاخ سعد النفج

صح لسانك

دمت ودام هذا الابداع

اسأل الله لك التوفيق

دمت بود

[سعد النفج]

المشاركة الأصلية كتبت بواسطة صالح الجطيلي

ويقول : بعض من العـرب مالهـم ودّ @ لا ترخـي بحبلـك و حـذرا تـشـده

الاخ سعد النفج

صح لسانك

دمت ودام هذا الابداع

اسأل الله لك التوفيق

دمت بود

الشاعر الغالي والمحبوب// صالح الجطيلي

صح بدنك

والله يعطيك العافيه على مرورك .. ووجودك يزيد ابداع القصيده

[خلف الغريب]

جزالة من جزل ..

الشاعر الرائع : سعد النفج

بيض الله وجهك على هالرائعة التي تحكي تجربة مرة عاشها سعد وناتجها لنا ...

شكرا لك ...

[سعد النفج]

المشاركة الأصلية كتبت بواسطة خلف الغريب

جزالة من جزل ..

الشاعر الرائع : سعد النفج

بيض الله وجهك على هالرائعة التي تحكي تجربة مرة عاشها سعد وناتجها لنا ...

شكرا لك ...

خلف الغريب

هلابك و نورت القصيده

و مشكووور على الثناء.. فهو ليس من شخص عادي بل من خلف الغريب


لك احترامي