{ سوالـــف من آول ~

[شمــــــــوخ]

هلآ فيُكٍمُ اخ ـبأإرٍكمُ..؟؟


( 1)

هذي سالفة وشلون جوّ ال صباح للكويت .. وشو سبب نزولهم من شمال نجد لـين الكويت ..

والروايه من كتاب ( تاريخ الكويت ) ..
ولكن بالأسلوب العامي علشان تكون خفيفه عليكم ..

هذا العتوب من عنزه .. اللي ال صباح منهم .. كانوا نازلين في حول منازل الظفير .. والظفير ناويين يغزونهم .. وكان عند الظفير واحدن من العتوب ذولا .. وتركوه يوم حلف عندهم انه ماينذر جماعته وربعه بـ غزوة الظفير .. لكن الرجّال خايفٍ على جماعته .. يوم وصل عندهم .. ويجي عند شيخهم واسمه ( دوله ) وكان يدخن .. وقال :

عمّر الغليون يادوله لا غدت دنياك مـعلوله
نـيتي باقول لكني .. حالــــفٍ بالله مااقوله !!

وهم دروا بالعلم .. ويشدون يمّ كوت ابن عريعر ( الكويت حاليا ) ..

ويبدأ تاريخ الكويت الحديث << هذي من الكتاب : )

:


( 2)


انتم خابرين من اول قبل لا يظهر البترول ..الغالبيه دخلوا الغوص يدورون العيشه .. ( الغالبيه من اللي بالشرقيه .. وبعض اهل نجد )
ف جمعان بن حضينه العازمي الله يرحمه .. دخل الغوص وبـ يجلس ثلاث شهور .. وتعب وهم بالغوص .. وقاموا يسقونه العشرق ( العشرج ) .. ضاق الرجّال .. وتذكر ربعه وحلالهم ودبشهم .. فـ قال :

هني من فارق السنبوك
... شاف الغنم والبعاريني

تـسعين ليله وانا مملوك
.. كني من السوق شاريني

والنوخذه حلّني بـملوك
.. عشرج من الصبح يسقيني

* السنبوك .. : مركب الغوص الكبير .. وعشان كذا سمو مطعم السنبوك بهذا الاسم

:

(3)

هذي سالفه يالنشامى والنشميات .. عن حكمة الاوليين ونباهتهم ...

فيه بدو نازلين يم الطايف .. ( عتبان ) .. وهم بالضحى ويسولفون الرجاجيل .
. قال واحد ..( تراني حلمت بـ مرتك يابو فلان !! ) .. ويفز ذاك الرجاّل بـ يذبح اللي تكلم .. قال اللي تكلم .. انا( ماقلت فيك شي .. هذا حلم ياخوك ) .. قال ( اني ذابحك ذابحك ) .. قال ذاك ..( طيب نتحاكم عند فلان بن فلان ) .. ( واحد من هل الطايف عصيمي ) .. ويوم جو عند القاضي هذا .. وعلموه بالسالفه .
. قال ( هذا علمكم ) .. قالوا ( اي بالله يابو فلان ) .. قال ( اجل تعالوا باتسر وبعلمكم وش حكمت .. )

وهم جو من بكره ..

والمجلس فيه الرجاجيل موجودين

ويجي عند راعي الحلم ويقوله .. قم هناك يافلان
ويجي عند اللي ضايق من الحلم .. ويعطيه بندق

وقاله ( ثوّر وارم راعي الحلم !! )

ويوم ثوّر الا البندق ماثوّرت .. قال الرجّال ( ياعصيمي بندقك فاضيه )

قال العصيمي .. ( ايييه والرجّال يوم يقول هالكلمه .. فـ هي كلمةٍ فاضيه .. وهو رماك بـ كلمةٍ فاضيه .. وانت رميته بـ بندقٍ فاضيه !! )

الله الله هذي الحكمه الصحيح

:


(4)

هذي العجوز العـجميه كانت تصلي وشلّـت البرقع ... \\ ولا هي طول الوقت البرقع عليها حتى مع عيالها واخوانها .. وهذي من العادات القديمه اللي بعض الاوليات للحين متمسكات بهالعاده \\

المهم هي شلت البرقع .. وشافته يمّها .. وحاورته وقالت :

ياعيالي من لقى البرقع
\\ غدا .. ياعلّـه ودراه

حطيته يوم قمت اصلي
.. عساني ماعاد القاه

والبرقع زعل وهاشوني
.. ودخت بهوشاتي وياه

اللي مثلك مايحذفني
.. بس يحطني في مخباه

وانا مغروره في زيني
.. وانت تغطي هالفتاه !

ابغى زيني يظهر كله
.. ويقال يازينك زيناه

عينٍ ذابح .. وقرنٍ سابح
وعنقٍ ياعنق المهاه

والبرقع قام ايتهزا !! :
ذاك من اول ياويلاه

ذاك من اول يامهبوله
واليوم ياعيبك عيباه !!

سنّك طاح .. وشيبك لاح
والوجه يروّع من جاه !!

قلت : اسكت وانا باسكت
معروفك والله ماانساه

باحفظك واقطّـب خيطك
والبس من فوقك عباه !!


لاحووول صدز احس سكتها البرقع الله يرحمها ..

:

( 5)

ابراهيم الديحاني الله يرحمه اول ماانتشر الشاهي في مجالس الكويت .. ضاق الرجّال من كثر ماينقد والناس عادهم يشربونه !! فــ قال :

يوم شفت الشاي غاديٍ له قدر
واليمانيه تذمه ياحضـــير

اسال العربان عنها والحضر
واسأل اللي مهاده لو صغير

قول : أيا الشاي هو ويـّا الشكر ! << ( الشكر .. يعني السكر )
باستكاناتٍ وغوريٍ نظير

او دلالٍ مركـــيــاتٍ مع نجر
فيهن البن المصفى .. ايّا خير ؟؟

اعرف ان الشاي مشروب البزر !!
او حريم ٍ من على فوق الحصير !!

او ردايا ماعليهم معـتـبر !!!!
مايدارون الفـشيله والمعير !!

<<<لا عاد اشوف واحدٍ يشرب شاهي

:


وسلامتكم خلصت السوالف أذا جازت لكم وتبون تكملة علموني : )

<< صايره روائيه على غفله


شمـــــــــــــوخ

[سامي السيف]

شكرا اختي شموخ على اسلوبك للروايه
تقبلي مروري

[سعود المسعودي]

يعطيك العافيه ياشموخ على الطرح الموفق
تقبلي مروري

[فهد الشافي]

تنوع متجدد في طرحك للمواضيع

الانتقال من لون الى لون

احي بك هذا التميز

والتحية لك وللكويت واهله

تحياتي
عمّر الغليون يادوله لا غدت دنياك مـعلوله
نـيتي باقول لكني .. حالــــفٍ بالله مااقوله

[سعوط المجانين]

لاهنتي على القصص الجميله والف شكر على الطرح الممتع

...

[شمــــــــوخ]

سامي السيف

يعافيك ربي مشكور ع الحضور

:

[شمــــــــوخ]

صقر الصقور

يعافيك ربي
مشكور لاهنت