باقي مكان الجرح عيا لايبرا - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 11/06/12, (04:39 PM)

مافات مات ولو برا الجرح اللي فات = باقي مكان الجرح عيا لايبرا
اخدره واعالج الوضع بسكات = واجاحد العله والايام غبرا
اصبر مثل صبر الجمل لثقيلات = والاضعيف العزم عن حمله ازرا
لوكنت هالك من الضماء بالمتاهات = وصبري نفذ وانا ماحصلت خبرا
اصبر ولالجاء لراعي الابتسامات = عقرب تبن مسمومة الذيل شقرا
اليا سألني قلت خير وسلامات = قدام يستغفلني انا به ادرا
نقرا على وجه السكوت العبارات = من الواقع الملموس نكتب ونقرا
الوقت درسنا وسوى اختبارات = وانا مع العسرا من الله يسرا
ونفهم خفايا السالفه بالاشارات = ومن عندنا علاج المرض تحت الاجرا
يامصنفين الهرج حسب المزاجات = بس استريحو راعي العله ادرا

**سراب نجد** · 11/06/12, (05:17 PM)

يامصنفين الهرج حسب المزاجات \\\ بس أستريحو راعي العله ادرا

صح السانك على هذه القصيده الجزله والمحبوكه بما الذهب ومن طرز

مهندس الشعر والأبداع ... دائماً مبدع يامعيض

لك تحياتي وتقديري

**الصقار** · 11/06/12, (09:47 PM)

ايوالله يامعيض .. راعي العله الدرا

صح لسانك ولاهي غريبه عليك انت جزل ولا تجيب الا الجزل

تقبل تحياتي وتقديري

**سليمان الجعفري** · 11/06/12, (10:32 PM)

اصبر ولالجاء لراعـي الابتسامـات
،،،،،،،،،،،،،،، عقرب تبن مسمومـة الذيـل شقـرا
اليا سألنـي قلـت خيـر وسلامـات
،،،،،،،،،،،،،،، قـدام يستغفلـنـي انــا بــه ادرا
نقرا على وجه السكـوت العبـارات
،،،،،،،،،،،،،،، من الواقع الملمـوس نكتـب ونقـرا

الشاعر القدير / معيض بن عريفج
صح لسااانك ملايين على القصيدة المميزة
الله يعطيك الف عافيه .. لاهنت ياالغالي
لك تحياتي

**صالح الأسود الجعفري** · 12/06/12, (11:29 PM)

معيض بن عريفج

صح السانك نص شامخ
دمت بخير

**اسيرة الزمن** · 13/06/12, (02:23 AM)

يامصـنـفـيـن الــهـــرج حــســـب الـمــزاجــات
بــــــــس اســتــريــحــو راعــــــــي الـــعـــلـــه ادرا

صــــــــــح لسانـــــــك
قصيدة في قمـــــــــــة الرووووعــــــة
تحياتــــي

**حمد الضوّي** · 16/06/12, (11:29 AM)

معيض بن عريفج

صح لسانك ابدعت وليس غريب عليك الإبداع
بارك الله فيك وسلم فكرك الراقي

انقى تحيه