"كـــــثر الغموض.. اللي سكني وضوحــــــــــــي"

[غموض الشمال]

بسم الله الرحمن الرحيم

(..هنا )

،، في الركن الهادىء

،، سيستمر بوحي

،، وسا أواسي نفسي

.
.
.
.
بدون

!.. مداخلات

!.. تلميحات
.
.
إذآ

(..سا أجد الراحه هنا..)


غموووض الشماااال

[غموض الشمال]

االيوم تسأل عن جروحي والآ لام=منهي غموض وش بلاها كسيره
أنا قسى الدنيا وحرمان الايام=وانا الشقا وايام فرحي قصيره
وانا الخفوق اللي غدا دونك حطام=وأنا العيون اللي بدونك ضريره
نسيتني ولا تناسيت الاحلام=ياصاحبي يعل فرقاك خيره

[غموض الشمال]

لاتغيب!

خلك بجنبي قريب

أيه اضيق..!

وكل همٍ بي يفيق

لا فقدتك...

افقد اسباب السعاده

وتظلم الدنيا زياده

لاتطول..

شوفني ما اقوى غيابك

أنت كوني

وانت فرحي

وأنت هالدنيا بعيوني

رد قلبي

رد روحي

لاتجددها جروحي

معك أمانه

لاتطول.....!!

سافر عسى الله يحفظك وين مارحت=وفكل خطوه يالغلا لك سلامه

[غموض الشمال]

يامرحبا حياك يانور عيني=وألفٍ هلا لايابعد روح مغليك
شاشة جهازي نورت ياضنيني=وتسابقت كل المشاعر تحييك
تو الحياه تعود داخل وتيني=وقلبي شلع يمك وتبضه يناديك
ليتك تشوف اشلون ترجف يديني=عجزت حروفي بالتراحيب توفيك

[غموض الشمال]

أشتقت لك..

واشتاق صدري لدفاك

واشتاقت عيوني لقاك

واشتاق سمعي لدعاك



كلي حنين لشوفتك

ياطهر يانبع الحنان



مهما كبرت

وانك تحسيني قدرت

يومين عنك ماصبرت



يمه أنا في داخلي

طفله وتحتاج الحنان

طفله على احضانك تغار

من شهد ، خالد ، من عبير

حتى من احفادك تغير



يمه بدونك ما اعيش

هذي تفاصيل الحنين

ان كان ودك تسمعين؟؟



أشتقت لك

أشتقت لك

واشتقت للجلسه معاك

عمري عسى عمري فداك

الله لايحرمني رضاك

أشتقت لك..

[غموض الشمال]

إليك...........؟؟


...................إذا تكرم ياحبيبي وتسمح
بي تتصل كان الظروف اسمحتلك





.............يطرب لصوتك مسمعي ويتريح
وتروى عروقٍ ضاميه قبل تهلك





.......... محتاج لك عن هم قلبي لك اشرح
محتاج لك محتاج محتاج وصلك





........مشتاق لك شوقٍ ماهوشوق يفضح
شوقٍ يفوق الشوق فيني تملك





................غلاك برمجته بقلبي تصفح
ابحث وشوف القلب هل فيه مثلك





..........في كل صفحه من عروقه يصرح
انه يحبك (عاهدك واعترفلك)





..........مافيه غيرك لاطرى الصدر يفرح
ولافيه شيٍ داخلي ماخضع لك





.............تكفى اتصل خل المسامع تصبح
يسعد صباح الكون كله من اجلك





........وان كان وقتك ماسمح عنك ابصفح
حاول ولاتنسى حبيبٍ صفحلك





..................وابتخيل اتصالك به اسرح
به ا تصبر لين.. يوم يحصلك

[غموض الشمال]

خذ راحتك ماني بجابرك تاتي=ولاني بلك يا اغلا المخاليق طلاب
وقت التشره والمطاليب فاتي=اربع شهور لجيتك احسب احساب
من لهفتي كن الدقايق اعداتي=وكن الثواني بيني وبينها انشاب
حتى الليالي مايمرن عصاتي=ياثقلهن يمشن بطيئات ورتاب
لجيتك اعد وارجي واحاتي=ولشوفتك مشتاق والشوق غلاب
اتخيلك حتى وانا في سباتي=واشوف زولك يالغلا وافتح الباب
وسايدك عطرتها يا مناتي=وزينت لك حتى عبرات اعذاب
بستقبلك فيها قبل لاتباتي=ياعطر هالدنيا ويا اعز الاحباب
خذ راحتك وقت المعاذير فاتي=ولاني بشرهانه ولاعندي اعتاب