احذر ترى الدنيا تغرك وتفتنك ؟

[نايف الجزاع]

اخواني واخواتي في شبكة ويلان
السلام عليكم ورحمة الله وبركاته


مصافحه اولى لذائقة اصحاب الذائقه

احذر ترى الدنيا تغرك وتفتنك=لأنها تلعب على كل موال
من لايعرفك يافتى مايثمنك=والهرج ماودك يكرر إذا انقال
وقت الفضاء ماهو مثل ساعة الظنك=ولكل ساعه فيه موقف ورجال
بعض الرجال اليا قضى حاجته منك=يصد عنك ويعتبر طيبك هبال
وبعض الرجال بوزن طيبك يثمنك=ويرد لك طيبك أذا حدك الجال
هذاك إذا جاك الخطا منه ياعنك=ماهي غريبه كل رجل ٍ له افعال
وهذا إذا جاك الخطا منه يغبنك=وتضيع في تحليل وضعه والاحوال
غني عني وأحمد الله غني عنك=وكل ٍ على دربه له آلام وأمال
مهما ضحكت دنياك في يوم تحزنك=لابد من حزن ٍ لو ان الفرح طال
يطعنك شخص ٍ ماتوقعت يطعنك=ويسعفك شخص ٍماطرا لك على بال
شفت الذهب لو صنعوا بالذهب تنك=يبقى ذهب غالي ولا ينقص ريال
والزنك مهما صار يبقى هو الزنك=لو أنصنع باحدث طرازات واشكال
يعني معادن صح معدنك معدنك=والمغترب لابد يرجع للأطلال
هي كم بيت إن شاء ربي تفطنك=يمكن لعل الله يصلح بها الحال

[رابح الغضيان]

المشاركة الأصلية كتبت بواسطة نايف الجزاع

اخواني واخواتي في شبكة ويلان
السلام عليكم ورحمة الله وبركاته


مصافحه اولى لذائقة اصحاب الذائقه

احذر ترى الدنيا تغرك وتفتنك=لأنها تلعب على كل موال
من لايعرفك يافتى مايثمنك=والهرج ماودك يكرر إذا انقال
وقت الفضاء ماهو مثل ساعة الظنك=ولكل ساعه فيه موقف ورجال
بعض الرجال اليا قضى حاجته منك=يصد عنك ويعتبر طيبك هبال
وبعض الرجال بوزن طيبك يثمنك=ويرد لك طيبك أذا حدك الجال
هذاك إذا جاك الخطا منه ياعنك=ماهي غريبه كل رجل ٍ له افعال
وهذا إذا جاك الخطا منه يغبنك=وتضيع في تحليل وضعه والاحوال
غني عني وأحمد الله غني عنك=وكل ٍ على دربه له آلام وأمال
مهما ضحكت دنياك في يوم تحزنك=لابد من حزن ٍ لو ان الفرح طال
يطعنك شخص ٍ ماتوقعت يطعنك=ويسعفك شخص ٍماطرا لك على بال
شفت الذهب لو صنعوا بالذهب تنك=يبقى ذهب غالي ولا ينقص ريال
والزنك مهما صار يبقى هو الزنك=لو أنصنع باحدث طرازات واشكال
يعني معادن صح معدنك معدنك=والمغترب لابد يرجع للأطلال
هي كم بيت إن شاء ربي تفطنك=يمكن لعل الله يصلح بها الحال

هلا ومرحبا

بالشاعر/نايف الجزاع

مصافحه نايفه من الشاعر نايف

صح لسانك

وهلابك مره ثانيه بين اخوانك واخواتك في هذا الصرح الشامخ بكم

تقبل مروري ولك جزيل الشكر

دمت بود

[نايف الجزاع]

المشاركة الأصلية كتبت بواسطة رابح الغضيان

هلا ومرحبا

بالشاعر/نايف الجزاع

مصافحه نايفه من الشاعر نايف

صح لسانك

وهلابك مره ثانيه بين اخوانك واخواتك في هذا الصرح الشامخ بكم

تقبل مروري ولك جزيل الشكر

دمت بود

رابح الغضيان

الله يحييك ويبقيك
وانا أسعد بتواجدي
هنا بين اخواني واخواتي

الف شكر
لهكذا حضور

[الجادل]

حضور شآآآمخ للنايف الجزاع

غني عن إشادتي به

تقديري

[فهد السلقاوي]

صح لسانك على هذه القصيده الرائعه

ومرحبا بك بين اخوانك وخواتك واولا واخير اهلا ومرحبا بك في weelan.com

تقبل مروري اخوك
فهد السلقاااااوي

[نايف الجزاع]

المشاركة الأصلية كتبت بواسطة فهد السلقاوي

صح لسانك على هذه القصيده الرائعه

ومرحبا بك بين اخوانك وخواتك واولا واخير اهلا ومرحبا بك في weelan.com

تقبل مروري اخوك
فهد السلقاااااوي

فهد السلقاوي
الله يبقيك يالغالي

الف شكر لحضورك

تحياتي و تقديري

[/quote]

[خلف الغريب]

اولا وقبل الشعر احيي فيك مرة اخرى هنا في شبكة ويلان العربية والف ترحيبة لك اخي نايف


صح لسانك ملايين ولا يكفون يا نايف على هذه الجزلة التي لا تستغرب منك فأنت أهل لها ..

شعر مغلف بالحكمة وحكمة مغلفة بالشعر ..

يطعنك شخص ٍ ماتوقعت يطعنـك
.........ويسعفك شخص ٍماطرا لك على بال

يا اخي كيف جبت هالبيت ..!!
فعلا هنا المعنى عميق جدا بكافة مقاييس النقد لأنه يختزل العدد الكبير من التجارب التي يمر بها الناس في بيت واحد ..

لله درك يا نايف وتثبيت مستحق لهذا الحضور وهذا الجمال...