شبـاب آخــر زمـن !!!

[سعود العواجي]

أيمانا ً بان الشعر رساله ولتفشي هذا المرض اعتقد من الواجب الالتفات والمحاوله لأيجاد الدواء .

شباب آخر زمن تقليدهم اعمى = وعقولهم في "فضاء الغرب" مملوكه
لادين لاحلم لا اهداف لا مرمى = صاروا كما قيل عند العالم (اضحوكه ) !!
وجيههم "بيض" بس قلوبهم ضلما = وجلودهم ماتحمـّل وخزة الشوكه
لاجاك ادعج عيون وشفته " ورمى" = ماناقص إلا يحط باالراس ..باروكه !
وليا سألته وش اسمك؟ قالك : سلمى = "سالم" ولكن لاسولف ميـّل حنوكه
"مكياج وجهه" ماينظف لو غسل بالما = كن النعومه على خديه ..محبوكه
حتى الشعر ماقدر في شاربه ينما = وان قلت سكسوكته ماهيب : سكسوكه
زوله مثل زول أخته لو قرب وازمى = ومن ضيق ثوبه تحسه يضغط وروكه
وعروق وجهه على "مي الحيا" تضما = ومن برد وجهه تشك احيان بسلوكه !!
شباب مهما تغير نهجهم مهما = تضل فيهم اصول الدم مشكوكه
تتشابه وجيههم مع فارق الاسما = وان شفتهم ماتشوف وجيه مبروكه
مدري ضحية تطور في شباب آعمى = وإلا هي افكار وسط الراس مشبوكه

[سعود المسعودي]

الاستاذ الشاعر سعود العواجي



الله ياسلام عليك والله رائعة

بيض الله وجهك مبدع كعادتك

صح لسانك ماقصرت


ننتظر ابداعك

[عبدالعزيز السعود]

المشاركة الأصلية كتبت بواسطة سعود العواجي

أيمانا ً بان الشعر رساله ولتفشي هذا المرض اعتقد من الواجب الالتفات والمحاوله لأيجاد الدواء .

شباب آخر زمن تقليدهم اعمى = وعقولهم في "فضاء الغرب" مملوكه
لادين لاحلم لا اهداف لا مرمى = صاروا كما قيل عند العالم (اضحوكه ) !!
وجيههم "بيض" بس قلوبهم ضلما = وجلودهم ماتحمـّل وخزة الشوكه
لاجاك ادعج عيون وشفته " ورمى" = ماناقص إلا يحط باالراس ..باروكه !
وليا سألته وش اسمك؟ قالك : سلمى = "سالم" ولكن لاسولف ميـّل حنوكه
"مكياج وجهه" ماينظف لو غسل بالما = كن النعومه على خديه ..محبوكه
حتى الشعر ماقدر في شاربه ينما = وان قلت سكسوكته ماهيب : سكسوكه
زوله مثل زول أخته لو قرب وازمى = ومن ضيق ثوبه تحسه يضغط وروكه
وعروق وجهه على "مي الحيا" تضما = ومن برد وجهه تشك احيان بسلوكه !!
شباب مهما تغير نهجهم مهما = تضل فيهم اصول الدم مشكوكه
تتشابه وجيههم مع فارق الاسما = وان شفتهم ماتشوف وجيه مبروكه
مدري ضحية تطور في شباب آعمى = وإلا هي افكار وسط الراس مشبوكه

المبدع // سعود العواجي ..

سلمت وصح لسانك على هالقصيدة الرائعة جزالةً وفكراً ..

تقبل مروري .

[فاطمه الجعفري]

وعروق وجهه على "مي الحيـا" تضمـا
ومن برد وجهه تشك احيان بسلوكـه !!

اخيرا جاء اللي يكتب ويبرد قلبي على من تشبهوا بالنساء وصفك دقيق واسلوبك شيق ،

الف صح لسانك متميز سيدي وستبقى بنظري الاميز

فاطمـــــــــــــه

[مزيد المزيد]

صح لسانك ياسعود


ذكرتني هالقصيده بــ الجبيهه ومقهى السلطان ..


شهادتك فيك مجروحه ولكن بشهادة الجميع انت مبدع بكل المقاييس

دمت بخير

[ماجد الغانم]

الغاااالي

والشاعر القدير

سعود العواجي

الله عليك وعلى هذا الأبداع...

نص شعري شامخ كان لي شرف الأستمااع اليه

وها أنا أقرأه لأتمعن في جماله ...وجزالته

رساله واعيه من أنسان يحمل النقاء والوعي

لله درك من مبدع

صح لساانك ..ولاهنت ابوصالح

دمت بكل خير ..ودام هذا الحضور المبهر

تقبل جل تقديري واحتراامي

[سعد النفج]

سعود العواجي

شاعر قليله بحقك يابو صالح..

مبدع .. مبدع

صح لسانك على النص الفاخر و اللي فعلا يحاكي واقع مرير ..

وصف مميز و اسلوب رائع من شاعر لديه من الايداع مالله به عليم ..

تقديري لك ..