~×// مايبلغ الساحل سوى متقـن العـوم //×~

[مها العنزي]

السلام عليكم ...
متواضعه لشموخكم ..

:

يا الأدمي عمرك ترى يوم مـع يـوم = قلي بدون سلوم ويـش انـت ذاخـر
من لايورث نافلـه عقـب مرحـوم = اسمه يجي باأتلا الـورق بالآواخـر
من شال دم اللي لـه افعـال بعـزوم = يطيب ذكـره مثـل عـود المباخـر
ومن يحسب ان العز في لبسة هـدوم = تشوف نفسـه فـوق روس المناخـر
واللي على الهزلات جاسر ولا يشـوم = يشوم عنه الطيـب وقـت المفاخـر
تلقى بوجهـه مـن دنافيسـه وسـوم = وصدره كماجذعن من السوس ناخـر
ومنهو يضيّـع فرصتـه كنـه البـوم = يلـوج ليلـه واول الصبـح شاخـر
زل النهـار وحيلتـه كثـرة الـنـوم = كلن يلوحـه ضاحكـن منـه ساخـر
مـن لايقلّـط شذرتـه ياكـل ثلـوم = من سطـوة الدنيـا تجيـه المساخـر
وبعض النفوس اليا مشت حيث ماتروم = مع المدى تفصح عن الوجـه الأخـر
تلبسك ثوبن عقبـه تصيـر مرجـوم = باوسط جهنم بيـن الاصفـاد داخـر
ومن يِمحي السيات بالذكر والصـوم = ياتي بعلمـن بيـن الاشهـاد فاخـر
تاخذ يمينـه صفحتـه غيـر مغمـوم = قمـة فخـر يامحصيـن للتفـاخـر
ومايبلغ الساحل سوى متقـن العـوم = ولا تامن السقطـه عظيـم البواخـر

[تركي صالح]

الله الله على هذا الابداع

الذي يعجز القاريء عندما يبحر في طياتها

قصيده تحمل من الجزاله ما لا يحصى

شاعرتنا المبدعه تثبت وبالدليل القاطع جزالت الشعر النسائي

بل تقول هكذا تكتب المرأه

وفعلاً جزاله شعريه لا توصف

لله در شاعرتنا على هذا الاتقان الذي يصعب أجادته الا من الشعراء المميزين او الشاعرات المميزات

وها نحن هنا نحظى بشاعره مميزه ومبدعه لتكون من ظمن كوكبة شعراء وشاعرات ويلان المبدعين

دمتي بخير اختي الفاضله مها العنزي ( عمهوجه )

ومن تألق الى تألق

[مها العنزي]

المشاركة الأصلية كتبت بواسطة تركي صالح

الله الله على هذا الابداع

الذي يعجز القاريء عندما يبحر في طياتها

قصيده تحمل من الجزاله ما لا يحصى

شاعرتنا المبدعه تثبت وبالدليل القاطع جزالت الشعر النسائي

بل تقول هكذا تكتب المرأه

وفعلاً جزاله شعريه لا توصف

لله در شاعرتنا على هذا الاتقان الذي يصعب أجادته الا من الشعراء المميزين او الشاعرات المميزات

وها نحن هنا نحظى بشاعره مميزه ومبدعه لتكون من ظمن كوكبة شعراء وشاعرات ويلان المبدعين

دمتي بخير اختي الفاضله مها العنزي ( عمهوجه )

ومن تألق الى تألق

اخوي تركي الصالح ..
كلامك وسام شرف اعتز به ..
والله يجعلني عند حسن ظن الطيبين شرواك ..
وانا ايضاً تغمرني السعاده بتواجدي في سمائكم الراقيه ..
ماقصرت الله يجزاك عني كل خير ..
/
دمت بخير وفضل من الله ..

[شاعر البيتين]

الله الله بصراااحه كماذكر أخوي الشاعر /تركي صالح

قصيده رائعه تدل على قوة الشعر النسائي ..

أقل مايقال عن هذا النص أنه أبداااع

لاعدمناااكـ ولاعدمنا جديدك أختي ..
.
.
.
.
.
تحياتي ..

[مها العنزي]

المشاركة الأصلية كتبت بواسطة شاعر البيتين

الله الله بصراااحه كماذكر أخوي الشاعر /تركي صالح

قصيده رائعه تدل على قوة الشعر النسائي ..

أقل مايقال عن هذا النص أنه أبداااع

لاعدمناااكـ ولاعدمنا جديدك أختي ..
.
.
.
.
.
تحياتي ..

أخوي شاعر البيتين ..
الإبداع بكم يكتمل ..
جزاك الله خير وتواجدك الكريم زادني سعاده ..
/
شكرا لك ودمت بخير.

[أخـت أخـوهـا]

غاليتي مها العنزي



صح الله روحك الغارقه شعِرِ سامق القامه
استمتعت بماخطنهُ اناملك غاليتي

لكِ ودي ووردي

[مها العنزي]

المشاركة الأصلية كتبت بواسطة أخـت أخـوهـا

غاليتي مها العنزي



صح الله روحك الغارقه شعِرِ سامق القامه
استمتعت بماخطنهُ اناملك غاليتي

لكِ ودي ووردي

الغاليه .. اخت اخوها..
صح الله بدنتس وقلبتس ..
وانا سعدت بمرورتس ...
/
تقبلي شكري ..