خاطبت أبنائه بالقصيدة ... مرثية الأميرة مهـا بنـت محمـد الأحمـد السـديري بزوجها فقيد الوطن نايف بن عبدالعزيز
سبق حائل -- ماجد بركة المسمار :
إنتشرت قصيدة في مواقع التواصل الإجتماعي على الإنترنت نسبت للأميرة مهـــــا بنـــت محمــــد الأحمــــد الســــديري زوجة الفقيد الأمير نايف بن عبدالعزيز .
في هذه القصيده تخاطب أبنائه وتتذكر لحظات عاشتها مع الفقيد والأماكن التي جمعتهما مع بعض
نص القصيده :
العام يا ام سعود كان الحزن ضيف=واليوم دق اوتاده الحزن فينا
الحزن غيمه غيبت نجمه الصيف=وبااسباب جوره ياجواهر شكينا
غاب الحبيب ولا بقى للهنا طيف=والاه يانوره تهاوت علينا
كن الظهر ياسعود فيه انغمد سيف=والصدر صار لكل الاوجاع مينا
اقول يا محمد متى فارق وكيف=واصيح ياسارة متى هو بيجينا
يانوف من عقبه ترى بسمتي زيف=جف الفرح من حولنا وانطفينا
أبوك يانواف ماله تواصيف=وانشد مشاعل كان مثله لقينا
والكون ياهيفا بلا ظله مخيف=واعذر بكانا يافهد لو بكينا
كان القمر كان البحر والمجاديف=كان الحنان اللي بحضنه دفينا
وكان الملاذ لشاكي الضيم والحيف=كم شال عنا كم خذا عن يدينا
عاش ورحل كله مهابه وتشريف=جار الحرم فوق الحكي وان حكينا
والله لو كان المقدر على الكيف=ماغبت يا نايف ولا احنا ظمينا
كل مارخيت الجفن جدت عواصيف=والشوق ثار وفارقتني السكينا
وشفتك مثل شمس بروس المشاريف=نورك يناديني وانا اقول وينا؟
والقاك واصحى والمحك راقي النيف=حي ولو صلت عليك المدينا
أحسك بجنبي ماهي تخاريف=ياساكن عيون المهاة الحزينا
في ذا جلسنا بين صمت وسواليف=وفي ذا الممر اثنينا كم مشينا
وفي هالزوايا كم جمعنا مواليف=وياما على ذيك المرايا ضوينا
عشرة عمر ماتنتهي بالصواديف=وذكرى تبي تحيا ولو مابقينا
الموت يانايف كتاب وتصاريف=وحنا بحكم اللي خلقنا رضينا
&& مهـــــا بنـــت محمــــد الأحمــــد الســــديري
:::::::::::::::::::::::::::::
بسم الله الرحمن الرحيم
رد ومجاراه من/ سراب نجد للأميره/ مها بنت محمد بن أحمد السديري
بنت أمير الشعراء أمير المبادي والأنسانيه أمير الكرم والرجوله
أميرالنخوه والمرؤه أمير الأخلاق الفاضله أمير الصفات الحميده
أمير الذكاء والحنكه أمير الوعي والأدراك أمير الشهامه والنباله
العزيزه الأميره بنت الأمير زوجة الأمير أم الأومراء
هذه الدنيا نزولاً وأرتحال ومن خلف ما مات والله يجبر عزاء الجميع
:::::::::::::::::::::::::::::::::::::::::::::::::: :::::::::::::::::
قال سراب نجد
----------
يالله طلبتك يا وسيع المحاريف =لك انتضرع رافعيناً ايدينا
تشفي أجروحاً لا يجه بالسراجيف =في موقعاً بين المحاني مكينا
وغير الصبر ما فيه قدره وتصريف = ولغير رب البيت لا ما أشتكينا
مصايباً حلت علينا مراديف =وصكات بقعا ما عليها قوينا
خلال تسع شهور جتنا عواصيف =وحل الكتام وضاقت الأرض فينا
ضاقت علينا من جميع الأطاريف =ومن القهر والجور غصباً بكينا
الأوله وفاة ريف الأضاعيف =سلطان هو سلطان خطل اليمينا
زيزومها وأن كان فيها تكاليف =يركي لها المتن القوي يا أبتلينا
والثانيه وفاة رجل المواقيف =نايف هو النايف وكاد ويقينا
عطوف طيب ذات صنديد ويخيف =ومثل شخصية سيدي ما لقينا
عسى لهم في جنة الخلد توظيف =عند الكريم بجنته مسعدينا
وحنا عوضنا بالرجال العواريف =حكامنا الخدام للقبلتينا
أبنا الزعيم مكون المجد بالسيف =مراً مغير ومر يبقى كمينا
وحقق مرمه بالسيوف المراهيف =سيف العدل يمناه له شاهدينا
أقول لك يابنت من يكرم الضيف =نايف رحل والبيت به غانمينا
سعود ومحمد ونواف ومنيف (فهد) =سواطين تقطع أحبال الوتينا
شرب المصايب يشربونه تقل كيف =فهد ذكرها من قديم السنينا
عبرت عن ما جال بالصدر من حيف =وعلى الزمن نقول ربك يعينا
أخوكم / سراب نجد
:::::::::::::::
15/07/12, (03:36 AM)
رد ومجاراه للأميره / مها بنت محمد بن أحمد السديري
العرض المتطور
