ياخلف واحالي اللي تشتكي نار القطيعه

[فواز الغسلان]

ياخـلـف واحـالـي الـلـي تشتكي نار الـقـطيعه=ماتـهـنت فـي شـبـابـه ياخـلـف لو ربــع ساعه
وسط جـوفي يابوخالد تشتعل حرب الوديعه=والـقـنـابـل يابـوخـالـد بالحـشـى يوضي شعاعه
وانت رجـلٍ يـابـوخــالد دارسٍ عـلـم الـشريعه=من بـنـي وايـل وحـنـا مـع بـنـي وايل جمـاعه
والـنـدى بـعـيــال وايـل فـي مـبـاديـها طـبيعه=ومن يـهـاجـم راح يـلـقى بالعرب لجنة دفـاعه
ان بـغـى نـار الـمـعـارك لجـنـة الناس الصريعه=وبالـنـدى لـجـنة كـبـودٍ في ظلام الليل جاعه
ويابوخـالـد بـي جروحٍ طعنته صارت وسيعه=مايـفـيـده يابوخـالـد فـحـص دكـتــور واشاعه
قبل ندخل بالـمذاهب والـعـرب سنه وشيعه=ودي اسأل عن سلومٍ في طبوع الناس ضاعه
حـيـلـتي نـظــم الـقـوافـي بالـطـواريـق البـديعه=فـي ضـمـيرٍ لاتضـايـق يـطـبـع افـكـاره طـباعه
لو يجي سوق الـقوافـي يشـري القاف ويبيعه=كان يملك كنز كـسـرى يوم حـربـه مع قضاعه
كالجـواهـر بالـعـقود الـلـي عـلـى صدر الفريعه=الـعـنـود الـلـي ظـلـوعـي تشتكي طعـنة وداعه
بس جزل الشعر يصبح مع قليل العرف ضيعه=كود من يـفـهم خوافـيـها ويـطـرب لاسـتـمـاعه
وكان قلبي طـاع وقته والـزمن عـيـا يـطــيــعـه=فالـلـيـالـي فـي بـحـور الجـور مايـركـد شراعه
اشهـد اني مارضيت الـبـوق ودروب الخديعه=وان في عـيـني عن الجـارات تحـصـين ومناعه
وان روحي لو يشين الوقت ماترضى الهزيعه=وان لي بجـبـال حـايل لابــةٍ طـابـت طـبــاعـه
واننا ريف الضعـيف وراحة الـضـيف وربيعه=ومن رفع صـبـعـه علينا بالـردى نـقـطـع ذراعه
مانخـاف من الـشـدايـد لـو مـنـاظرها فضيعه=ولا نـقدم في هـوان الـنـفـس حـب وشـفـاعه
يكـفـي ان اهل الحرايب تجـمـع الـعـالم جمـيـعه=تجـتـمـع من دون قـرب ولاعروق ولا رضاعه
دون سبع جـمـوع تدفـع صـوبـنـا كـامل نجـيعه=ماتقارب سور دارٍ تـمـتـلـك طـيـب وشجاعه
حــال مـن يـحـلــم بـظـلـعٍ شـامـخٍ مايستـطيعه=او يجي غــابــة وحـوش ترهب الخافق سباعه
ان وقـعـنـا ماجـزعـنـا من لواهـيب الفـجـيـعه=وان مـشـيـنـا شفت غالي خـيـلهم معـنا قلاعه
من مواكـيـر الحـرار اللي على راس الـرفـيــعـه=ولاجل كسب المال مانرضى هوان ولا دناعه
نكرم الطيب ونـغـلـي موقـف الطـيب ونذيـعه=وان تكلـمـنـا نسـوق الـهـرج عـن علم وقـنـاعه

[احمد العريفي]

لله درك
قصيده شامخه بشموخ شاعرها
صح لسانك
ودامت لك المسرات
تحياتي

[نواف ابن ثويني]

الشاعر والراوي القدير فواز الغسلان

صح لسانك يا اخي العزيز

قصيده في قمة الروووووعه

تحياتي لك وتقبل مروري

دمت بخير وصحه وعافيه

[سالم صالح]

الشاعر الكبير والراوي المميز


فواز الغسلان


راااااااااااااااااااااااااااائع ورااااااااااائع الى ان نصل بحور ومحيطات الشعر الجزل فانت من منهل الشعر العذب قد ارتويت وارويت


فالله درك على هذة الشامخة والجوهرة النفيسة

والحقيقة انه مهما قلت لن افيها حقها من المدح والثناء وانت فوق شهادتي واشادتي فانت شاعر علم ومدرسة شعرية


تقبل تقديري وودي وعذرا على تواضع ردي امام هذة الباذخة

[بدر الخلاوي]

الشاعر فواز الغسلان صح لسااااااااااااانك

واعتلا شانك قصيده راقيه برقي

شخصك الراقي

دمت بحمى الرحمن

[حمد الخمعلي]

الاخ الشاعر والرااوي فواز الغسلان


صح لسانك وسلم رااسك على هذه الجزاااله0


كُن بخير

[بدرفهد الجعفري]

الشاعر والراوي فواز الغسلان

صح لسانك على هذا البوح الشعري الشامخ

ابدعت يافواز وصح لسانك