هذه القصيدة إهداء من الشاعر ناصر بن خلف الجابر
للشيخ حمود الهذال بمناسبة فوزه بعضوية المجلس البلدي
بمحافظة حفر الباطن في انتخابات عام 1426هـ
أمس الضحى عديت في نايف الجــال = فوق الطويل اللي رجـــومه مشافي
عديت في رجلي طويلات الاقـــــذال = بأعلا النبا ولفت منظـــــــــــوم قافي
من فرحتي في فــــــوزكم يابن هذال = هاضت مكانين الضمير النظــــــافي
هيضة شعيب ومـــــن المخاييل سال = ومن وبل مأمـور السحـاب الظوافي
مبروك يامير على كل الاحــــــــوال = الطيب ساســــك وانت بالطيب وافي
فوزك تحقق مابهــــــــــا قيل وقـوال = تستاهل التمجيـــــــــــد زاف وزافي
أزفها من قلب جــــــــاء فيه زلـزال = زلزال فرحة في نجــــــــاح السنافي
عضــــــوية المجلس لكـم بأول الفال = ومن قبلها وانتم ينابيــــــــــع صافي
ماغثربــــــه وارد على مـر الأجيال = نقع صفى من غير فحـص المصافي
لعدو الهـــــذال للعـــــــــاني اضلال = يا مــــا نصاهم كل راكــــب وحافي
انتم ذرا العاني وللطيب مــــــــدهال = يــــوم السنين اللي ليالــــــــه جوافي
من لاذ فيكم ماقعـــــــــــد بالغبا ذال = جال يعــــزه ماتجيـــــــــــه السوافي
برباعكم بن تطــــــارخ بـــــه دلال = دايــــــــــــم على جال المليله أذرافي
صديقكم دالـــــــة ولاضاقلـــــه بال = وعــــــــدوكم يشرب مرار إزعافي
ياروس وايل يأهــل الجوخ والشال = لطـــــشن البيض سمــــــــر الغدافي
أنتم غنات اللي قعـــــــــد فاقد المال = من شــــــد حال الضيق نفسه تعافي
تعاف عيشت حال في حالها حـــال = في جالكــــــــم يأهل الحجا مايخافي
الفوز هذا مفــرح العــــــــم والخال = حتـــــى الناحـــــي قال هذا أعترافي
النجم في ظلما الـــدجا يشعل شعال = ياحمــــــود ابن هــــــذال لقلت تافي
أولاد وايل كلهم جـــــــــوك بعجال = زفتهـــــم الفرحــــة ولا الفرح كافي
حقك على الأعناق يا شيـــخ تنشال = حتـــــــى نحطك فوق رجم أمتشافي
الطيب لو هــــــــو بالمكاييل ينكال = طيبك مـــــلا البحرين قاع وظفافي
صلاة ربي عـــــــــد مالوقت يندال = على النبي من حــــــــج بيته وطافي
03/06/05, (05:19 PM)
اهداء للشيخ حمود الهذال
العرض المتطور
