الله من همٍّ بالأضلاع سكّان

[ناصر الجابر]

الـلـه مـن هـمٍّ بالأضـلاع ســكّان=بين الضلوع الهـد ف زيّن مكانه
أقـصاالحـشاهمي بنا فـيه بـنــيان=د ق الطنب وأرسى إبقلبي كيانه
بالروح لهمومي مشاتي ومقطان=وخافي حشايه والضميرإسـتهانه
مـبطي نزيله قاعــــدٍ فيه بإمـكّان=حـتّى تبين مـــــن صوابه بيانه
بانت إفعـوله بالصناد يق تـبـيـان=وسمه سطابي مـن لهيب إكويانه
كيٍّ عـلى كيٍّ وأنامنه وجــــعـان=وأحس بالمـشـّه شـد يد إوجعانه
هـمّي إبـقـلـبي كـبرفـرده ورمّان=وشلون أشيله وأرتكي لإشيلا نه
والعـزم منّي واني الحـيل تـلـفان=مــن عـلّةٍ شـرّه سبايب إحـسـانه
أسبابهااللي لخـزرني بــالأعـيان=أحـيا وأموت أبلدّ ته وانـظــرانه
عين العديم اللي وكرفوق ضلعان=في نايفٍ عالي عسيرإصعدانه
والعنق عنق إغزيّلٍ قاد غزلان=يم المفالي والفات إتبعانه
لفياض ساقيهامن الوبل ودّان=أربع ليالي مايكف إمطرانه
وبلٍ من الرحمه نشت فيه الأمزان=وأسقى السنين الممحله هذرفانه
والخد برّاق تلاعج إمسيّان=شق الدجاالداجي لميع إبرقانه
والبطن بطن إمرمله عدّة أزمان=مادقّهازورالفحل بإدفعانه
مامسّهاإشداد السفرحَبْل وابطان=حايل حيول إمحيّله في زمانه
والعود لين لأنهصركنّه البان=من سرف ساقي مشربه واسقيانه
غصنٍ غضيضٍ جازمن بد الأغصان=من لين عوده كل مابه ليانه
هذاالذي منه الحشاإبنارحرقان=وحبّه سبب ذوب الحشاواحرقانه
ياعونة الله صاحبي رد ف وأمتان=ومثل الجواهربالمبيسم ثمانه
فيهن لذ يذٍ يعشقه كل ظميان=ري المهاوي لثمهن واذ وقانه
من روح لأعطايرتوي قلب عطشان=من هالعسيل اللي لذيذإذوبانه
لولاه أنابالحب ماني إبعشقان=لكن هواللي جرّني لعشقانه
عاملت ودّه والغلاإبرفق وإحسان=وأعطيت خلّي بالهوى كل شانه
أرجيه يعطيني من الروح برهان=فيه أتجرّى بالقد م وامشيانه
يم الحبيب اللي إبغاليه طمعان=أخذ الطمع نفسي غد تله إرهانه
الله من زين التواصيف ياأخوان=ماشفت أنابالعين شارة بنانه
أقفاوتركني بأوسط السوق حيران=أجني من اللوعات بذرة حزانه
الله يعاوني وأنامنه حزنان=الصّاحب اللي ماعطاني علانه
سدّه إبقلبه محتفظ فيه سكّان=وأناالذي للهم قلبي مكانه

[فاضي عبدالعزيز]

الشاعرناصر الجابر












صح السانك


قصيده جزله


تستحق الشاده وتميز



لاهنت اخوي

[حمد الوايلي]

ناصر الجابر صح لسانك





قصيده روعه من المعاني والكلمات الجميله








واتحفنا بجديدك


دمت سالما

[الشويب]

الله اكبر ...صح لسانك ماتكفي ....

قرأت القصيدة وتمعنت وعشت جوها مجبر ..ومجبر قرأتها مرتين ....قصيدة فيها روح ..حيه ...

قصيدة بعيدة عن التكلف ...والخيال ..صادقة في كل حرف وليس بيت ...هادئة ...مرتبة ...

شاعرها يكتب لنا ...للقراء ....كل قارئ يفهم ماذا يريد شاعرها ..ويعيش جو القصيدة ...بعيدا عن البحث والترجمة

والالغاز... المستحيلة الحل في (فاي) بالرياضيات , وفي الشعر المعنى ببطن الشاعر...

أدري أني طولت,,

لله درك شاعر ......تكفى ترانا ننتظر ما تكتب ....ورحم الله والدينا ووالديك


مع التحية ..

[تركي صالح]

الاخ / ناصر الجابر

صح لسانك يالغالي على هذه الرائعه

واللتي تستحق الافاده

لمعانيها اللتي تجبر القاريء

على أعادت قراءتها أكثر من مره

دمت وسلمت

ودام صفاء طرحك الرائع

وتقبل فائق التقدير والاحترام

[مشاعر حالمه]

ناصر الجابر...

صح السانك يالقرم ولاهنت

تحيتي لك / مشاعر حالمه..

[مشاري بن جلوي]

ناصر الجابر صح السانك ودام حرف ونزفك الجميل




لك فائق تحياتي