مالوم عنتر يوم جنب عن الثور // محمد خلف الزايدي الخمعلي

[نافع عيد الجديد]

الشاعر الكبير محمد خلف الزايدي الخمعلي

عزاه ياشعر النبط صاح مقهور=صوته يهز القلب ياسامعينه
ياناس ماينلام يصرخ من الجور= أهل الركيك بشعرهم ضالمينه
أول زمانه في عوانيه مسرور=واخر زمانه ذاق مر الغبينه
كلاً يشوته بالقدم شوتة الكور=غث وسمين ومهزله خالطينه
تال السعاده يوم حزبه لهم دور=عن العبث باصدورهم حافظينه
درعه متين وماحوى الدرع محذور=عن السروق وحاقدين الدفينه
شعر النبط مازال حاضرومأثور=عنوان للتاريخ ياجاهلينه
هرج الوكاد إلى إنجعف شاهد الزور=عن الحقيقه والعلوم السمينه
ديوان لأمجاد العرب ماهو بمنكور=قبل الورق ماضاع من وارثينه
ماهو كلام إهياط بالصحف منشور =أحد يبيعه بيع وحد يهينه
زمره تغث البال هاوي ومغرور=أشكال حي وني من كل عينه
حطاب ليل وليلته مابها نور=ياالله عسى الحيات تأكل يدينه
لو قالوا النقاد هالبيت مكسور=ألقى على الثنتين طين وعجينه
مدري علام الناس ماتقبل الشور=عن السنع درب الخطاء ممتطينه
مالوم عنتر يوم جنب عن الثور=أخلى الطريق وحربته في يمينه
ماهي مذلّه مار بالعرف دكتور=عقل وشجاعه يالقلوب الفطينه
اللي تهور عادته ينطح الطور=مايفتهم لو عاش باقي سنينه
والاّ الحياه دروس ناجح ومثبور=كلاً بها يختار صحبة قرينه

[سعود المسعودي]

مشرفنا القدير نافع عيد

صح لسانك ولسان شاعرها


اختيار موفق واكثر من رائع



دمت بخير

[محمد خلف الزايدي]

المشاركة الأصلية كتبت بواسطة صقر الصقور

مشرفنا القدير نافع عيد

صح لسانك ولسان شاعرها


اختيار موفق واكثر من رائع



دمت بخير

هلا
صقر الصقور

صح لسانك ورفع الله قدرك

تحيه لك

[خلف الغريب]

هلا براعي هالقصيدة وباللي جابها هنا ..

اختيار موفق يا ابو عيد واطلب اللي تبي بس خل ابو عبدالله يسجل عندنا بويلان ..

ماالوم عنتر يوم جنب عن الثور ... اخلى الطريق وحربته في يمينه

الله يا ابو عبدالله

حكم وشعر راقي واتزان ..

شكرا نافع لأنك جلبت هذه الثمينة هنا..

[محمد خلف الزايدي]

المشاركة الأصلية كتبت بواسطة خلف الغريب

هلا براعي هالقصيدة وباللي جابها هنا ..

اختيار موفق يا ابو عيد واطلب اللي تبي بس خل ابو عبدالله يسجل عندنا بويلان ..

ماالوم عنتر يوم جنب عن الثور ... اخلى الطريق وحربته في يمينه

الله يا ابو عبدالله

حكم وشعر راقي واتزان ..

شكرا نافع لأنك جلبت هذه الثمينة هنا..

ابوخالد
خلف الغريب

الله لايهينك وهذا انا قد حللت في صرحكــم العــملاق الــمميز في شـموخـــه
المشعّ بنجومه المضيئه بالعلوم والمعرفه وانواع الثقافات المتعدده
ونرجــو من الله ان نكــــون عند حسن الــضــن بنا ونتجـمــل
ولو بالشي القليل مع أخواننا الذين ابدوا لنا فائق الأحترام
والود والمحبه من الــجـــمـيع بدون تخـصـيــص,,
^
^
لك جزيل الشكر والعرفان
أبو عبدالله

[سليمان الجعفري]

مدري علام الناس ماتقبل الشـور =عن السنع درب الخطاء ممتطينـه
مالوم عنتر يوم جنب عـن الثـور = أخلى الطريق وحربته فـي يمينـه
ماهي مذلّه مـار بالعـرف دكتـور = عقل وشجاعه يالقلـوب الفطينـه
اللي تهور عادتـه ينطـح الطـور = مايفتهم لو عـاش باقـي سنينـه
والاّ الحياه دروس ناجح ومثبـور = كلاً بهـا يختـار صحبـة قرينـه

الاخ ابوعيد

صح لسانك ولسان الشاعر اختيار موفق ورائع

الله يعطيك الف عافيه لاهنت على الاختيار الراقي

لك اجمل التحايا والاحترام

[فهد الشافي]

اختيار رائع ومميز

مشرفنا القدير نافع الجديد

فائق تحياتي