ماكني الا واحـدٍ من ضـناها - °~*¤®§(§ شبـــكة ويــلان العـربـيـه §)§®¤*~ˆ°

**موسى المشعان** · 04/05/05, (01:14 AM)

يالله تصبرني عقب شمعة البيت
..................... غابت وخلتني ، وحيدٍ وراها

من عقبها صارت حياتي تناهيت
.................... يالله طلبتك .. مايطول بطاها

تطري عليه كل مااصبحت وامسيت
................... الجادل اللي ماتغـث اقصراها

عز الله اني مستريح ٍ الياقفيت
.............. من كـثر ماني .. واثقٍ من وفاها

دايم من اللهفه تضايق اليابطيت
................. تعطي حنان ، ولاتمـن بعطاها

كانت من الفرحه ترحب لياجيت
...................ماكني الا واحـدٍ من ضـناها

حتى لو اني في خطايه تماديت
............ تشفق على نفسي وتدمح خطاها

ياما عليها يعـلم الله تغـليت
............. ومع كل هذا ، كان يكبر غـلاها

لا شفتها من هم قلبي تجليت
............0. زال الشقا وشطون قلبي نباها

يالله ياللي عالم كل مااخفـيت
............... عجل لنا ، ياربنا في شـفاها

==============================

هنه الوفاء ما هو مثل بعض الناس الله يهديهم

موسى المشعان

**الحميدي النبات** · 04/05/05, (01:32 AM)

صح لسانك

مليااااااااراااااااات

ولايستغرب

وفاك يابومحمد

دمتم سوى على

العز والمعزه امين

قصيده معبره بالصدق

والوفاء والحنان الرائع

والشوق والمحبه والود

لكم كل الحب

**هندي المقبل** · 04/05/05, (05:07 AM)

شاعرنا الكبير موسى المشعان

صح السانك وسلمت بنانك قصيده معبره ملئيه بالاحساس والصدق

وهذا هو المتوقع منك دائما الوفاء والاخلاص كيف وهو مع اقرب الناس

نسأل الله ان يشفيها وان تعود لك لتملى الفراغ الذي احدثه غيابها
ولك كل الود والاحترام

**محمد المقبل** · 04/05/05, (12:03 PM)

شاعرنا الكبير المميز دائماً بطرحه.. موسى المشعان

صح السانك وسلمت بنانك

قصيده معبره ملئيه بالاحساس الصادق

والوفاء والاخلاص من شيم العرب

ولك كل الود والاحترام

**ابو رزان** · 04/05/05, (01:39 PM)

بسم الله الرحمن الرحيم

شاعرنا الكبير ........موســـــــــــــــــــــــــــى المشعــــــــــــــــــــــــــان

تحية وفاء للوافين راجيا من اللة تحقيق دعواتك المخلصة والتعجيل في الشفاء .

يالله ياللي عالم كل مااخفـيت
............... عجل لنا ، ياربنا في شـفاها

اخوك ابو رزان

**saad saif** · 05/05/05, (12:21 AM)

المبدع والرائع موسى المشعان قصيده تستحق الاعجاب مليئه بالوفاء وهذا ليس مستغرب من شخص مثلك
تحياااااااااااااااتي اخوك سعد سيف

**ماجد الوايلي** · 05/05/05, (01:15 AM)

مسااااااااااااااااااااء الخير

وش احلى من مساءً .... تصافح به قصيدة لـ موسى المشعاااااااان

صح لسااااااااااااااااااانك

وبيض الله وجهك

لله درك

<<<<--- يسجل اعجابه بقوه وعنف

دمت للويلان