... جابك بساط الريح

[عبدالمحسن الجلوي]

داع ن دعاني للهوا قلت له سم = يامن على صدق المودة دعاني
جابك بساط الريح والا القدر لم = عمري من دروب السفر والمواني
والا الزمان اللي منعني تكرم = جاد الزمان وما بخل به عطاني
من مبلغ الحيين والخال والعم = انه ملكني واحدا ما شراني
طفلا على درب المحبة متيم = يرسل كلامه لي بسحر البياني
مره دعاني قبل غرة محرم = باول زماني ياحسافة زماني
زرته وحياني وقام يترنم = هيض غرامه يوم سمع الاغاني
يمد لي كفا رقيقا منعم = يلوق به نقش الخضاب اليماني
يرسم من الحنا بكفن ومعصم = ما احلا بنانه يوم مد البناني
ساعة سقاني من شرابه وانا اشم = بيديه ردع الطيب والزعفراني
لو ان موتي شربة الكاس بالفم = يوم ارتشفت ومن يمينه سقاني
يضحك بوجها كنه البدر لا تم = ورمشا بسلهامه تضيع المعاني
وثغرا يصف اللول عقدا منظم = عليه من طعم العسل ما شفاني
نازعتها والشوق والحب مجرم = قبلي غدا بمكاظمين العناني
اخاف من يوما يجي فيه واندم = عنها مقادير الزمان تحداني
واموت من فتنة نعيما محطم = يفنى وتبقى حسرته في كياني
واللي قضى بالعشق مايطلب بدم = راع الهوى يصبح ضحية..وجاني!!

[محمد دعسان]

الشاعر عبد الحسن الجلوي
الله الله عليك
ابدع وجزاله
صح السانك
ياراقي
تقبل مروري الله يحفظك

[عبدالمحسن الجلوي]

اقتباس:
المشاركة الأصلية كتبت بواسطة محمد دعسان
الشاعر عبد الحسن الجلوي
الله الله عليك
ابدع وجزاله
صح السانك
ياراقي

تقبل مروري الله يحفظك
سمو المشاعر الأخ العزيز محمد بن دعسان صح بدنك طال عمرك وبيض الله وجهك ... شرّفني واسعدني مرورك طابت لياليك بالخير والمسرات..

[صالح الأسود الجعفري]

عبدالمحسن الجلوي
صح السانك ع الشامخه
دمت بخير

[عبدالمحسن الجلوي]

اقتباس:
المشاركة الأصلية كتبت بواسطة صالح الأسود الجعفري

عبدالمحسن الجلوي
صح السانك ع الشامخه
دمت بخير

أخي صالح الجعفري : صح بدنك وبيض الله وجهك... دمت بخير...

[خلف الغريب]

صح لسانك اخوي عبد المحسن وسلمت ..

وجدانية رائعة ومشاعر جمية في قالب جميل...

تحية لك

[عبدالمحسن الجلوي]

اقتباس:
المشاركة الأصلية كتبت بواسطة خلف الغريب
صح لسانك اخوي عبد المحسن وسلمت ..

وجدانية رائعة ومشاعر جمية في قالب جميل...


تحية لك

هداج الشعر,,, الشاعر خلف الغريب صح بدنك وبيض الله وجهك

أشكر مرورك العطر الذي أضاء المتصفح....