وش سبـب دمعــة الغــيم ؟ ( صدى للرائع حمدان المطرفي )

[خلف الغريب]

صدى لرائعة الرائع حمدان المطرفي ..

يا برق قل لي : وش سبب دمعة الغيم ؟=دام الوطـا يضحـك لنـا ديدحانـه !!
( السين ) مات وما لقى خانة ( الجيم )=والقاتـل المجهـول يعـزف كمـانـه
ما هو شهيد , وعاش من ضيم في ضيم=خانه لذيذ العيش ... والمـوت خانـه
مظلـوم يشكـي واقـعـه للمظالـيـم=راهن , وبالتالي خسـر فـي رهانـه
خصم الزمن عود مع العالـم خصيـم=واثبـت لـه القاضـي دليـل الادانـة
جـلاد وينـفـذ جمـيـع المراسـيـم=سيفـه عشـق دم الـوريـد لمعـانـه
ورمـت خشـوم مكبريـن الملاطيـم=تقـول معهـم مـن زمنهـم ضمانـه
شف فرحة التاجـر علـى كـل مليـم=وشف حزن فاقد عطـف الام وحنانـه
ثليـم طـاح وغيـره ثليـم وثليـم*=مـا باقـي الا سيرتـه فـي مكـانـه
مقسوم , يا الله فـي خيـار المقاسيـم=ماعـاد يـا ( حمـدان ) فيهـا ميانـه
من دون برطم ما قدر ينفخ ( شريـم )=بـس يتمـنـى والمـنـى بوبهـانـه
يبغى نفس يحيـا بعـد طـول تكميـم=ويلعب مع الغريد ( يـا ليـل دانـة )
لاتطيح يـا لابـس شمـاغ المراسيـم=دامك رضعت العـز وقـت الحضانـة
مزاجها لو كان ما هـو ب( تسنيـم )=مـاء الكرامـة فـي إنـاء الأمـانـة
وان عودت بين العـرب علـم وعليـم=( لنـا السنـام ..وبالله الاستعـانـة )
نقرا على الشيطان ( عم ) و ( حـم )=ونجلـد عشيـر ابليـس بالخيزرانـة
كذا عرفنـا وش سبـب دمعـة الغيـم=والله يحـيـي شـوكـه وزعفـرانـه

[محمد الدلماني]

لاتطيح يـا لابـس شمـاغ المراسيـم
دامك رضعـت العـز وقـت الحضانـة



صح لسانك يابو خالد صياغه جميله ونص رائع

[خلف الغريب]

المشاركة الأصلية كتبت بواسطة محمد الدلماني

لاتطيح يـا لابـس شمـاغ المراسيـم
دامك رضعـت العـز وقـت الحضانـة



صح لسانك يابو خالد صياغه جميله ونص رائع

صح بدنك ابو مشعل ودامت اطلالتك...

شكرا لك..

[شيهانه]

صح لسانك


وقصيده رائعه

تقبل مروري المتواضع

[خلف الغريب]

المشاركة الأصلية كتبت بواسطة شيهانه

صح لسانك


وقصيده رائعه

تقبل مروري المتواضع

اختي شيهانة ..

صح بدنك ومرور اروع..

تحياتي..

[حمدان المطرفي]

أستاذي أبو خااالد


صح لساااااااااانك مليااار وتكراار صدى أجمل من الصوت وفاااق التوقعات يابو خااالد


لله درك ودام لنا بوحك الراقي وانشا الله القادم أجمل يابو خالد



تسلم على تلبيتك الصوت يابو خالد


وافي وافي يعلم الله


أخوك | حمدان بن ربيع المطرفي العنزي

[خلف الغريب]

المشاركة الأصلية كتبت بواسطة حمدان المطرفي

أستاذي أبو خااالد


صح لساااااااااانك مليااار وتكراار صدى أجمل من الصوت وفاااق التوقعات يابو خااالد


لله درك ودام لنا بوحك الراقي وانشا الله القادم أجمل يابو خالد



تسلم على تلبيتك الصوت يابو خالد


وافي وافي يعلم الله


أخوك | حمدان بن ربيع المطرفي العنزي

اخوي حمدان ..

صح بدنك وهذا الصدى المتواضع انت من اوحى لي به ...

اشكرك على نصك الشفاف واتمنى ان يلبي هذا الصدى بعضا من النداء..

تشرفت بك يا حمدان وبمجاراتك ودمت بخير ..

ودي وتقديري...