من ارشيف العيووف
ودي اصبر والصبر عدّى حدوده= على عيشة الضيم مدري ويش حاديني
جاملت وتحملت على حساب نفسي= ابي زيادة صبر بس عاد مافيني
حاولت ارجع وأنسى بس ماأقدر= احس حاجز وقف مابينك وبيني
ياليت حبٍ زرعته مات من يومه= ياليت ورده ماأزهر في بساتيني
ياليت حبه توفّى ومات في مهده= لكن خلاص اليوم ماعاد يمديني
حبه تعلّق معي في وسط روحي= لاجيت ابخنق هواه أشتد في يديني
أببتعد لين أحس اني مثل أول= ماأريد احس اني أجامل محبيني
لكن أنا ارجوك أمهلني ولاتتعب= يمكن غيابي يطوّل عام..... عاميني
أبي أختبر صدق إحساسي بحبك=وكاني أحبك بغيب وحدّي يوميني
وان كان سجّل بسجل العاشقين اسمي= أبمسح اللي كتبته وأرجع بحيني
وأجي ابوسك وأقول أرجوك انا آسف=ارجوك اسحب كلامي لاتجازيني
وابي اترك اللي كتبته بس للذكرى= واقراه لاوسوس ابليسي يسليني
العيووووووووف