نـــوره - °~*¤®§(§ شبـــكة ويــلان العـربـيـه §)§®¤*~ˆ°

**مشعل الضوي** · 09/02/07, (11:43 PM)

قصيدة متواضعة أضعها بين ايديكم ورجائي أن تنال بعض من رضاكم...........

نــــوره

الليـل أرخـى سـدوله و ابـتـدا دوره=والشمـس غابـت ونـوره جات ما غـابـت
جـيتـي على الموعـد اللـي طـول حضوره=وجيـتك وانـا هقـوتي في جيتـك صابـت
جـيتـي مع الليـل مـختالـه ومغـروره=ونسايـم الليـل مع صمـت المـسا جابـت
جابـت دفا همـسك اللـي فاحـت عطـوره=و اللهفـة اللي بـوصول إطلالتـك ذابـت
أهليـن يا بهجـة الخفـاق وسـروره=أهليـن يـا اعظـم غـلا في داخلـي ثابـت
مشتاق لك شوق ما اقدر أوصف شعـوره= ومشاعـري من حنيـن غيابـك إنسابـت
عـجـزت لا أستـسيـغ فـراقـك وجـوره= و نفسـي عـن اسـم الرحيـل وغيبتي تابـت
روحي...اقطفـي مـن قصيدي أجمل زهـوره=من شاعـر مـا يقـول القـافـيـة شـابـت
أنتـي قصيـدة غـزل بالحـب مغمـوره=آسـف..أنا أخطيـت... نفسـي بهـذي ارتابـت
أنتي لو انك قصيدة شعـر يا نـوره=إن كان شاورت بـك عبـدالله الثـابـت
لكنـك أغلـى من الشعـر ومن سطـوره=وأهـم من روحـي اللـي فيـك ما هابـت
وأقرب من الشاعـر الضــوي لجمهـوره=وأصـدق من الهقـوة اللـي فيـه مـاخابـت
مدري وش اقول .....لكن أنتي اسطـوره=مشاعـري فـي إجـادة وصفـها عابـت
تدرين؟من جيتـي الى الحيـن يا نـوره=الشمـس و الله مـا احسـب انهـا غـابت!!!!

مــشـعل الـضـوي

**الجوهره....** · 10/02/07, (12:03 AM)

لكنـك أغلـى مــن الشـعـر ومــن سـطـوره
وأهـم مـن روحـي اللـي فـيـك مــا هـابـت
وأقـرب مـن الشاعـر الـضـوي لجمـهـوره
وأصـدق مـن الهقـوة الـلـي فـيـه ماخـابـت
مدري وش اقول .....لكن أنتـي اسطـوره
مشـاعـري فــي إجـــادة وصـفـهـا عـابــت
تدرين؟مـن جيتـي الـى الحـيـن يــا نــوره
الشمـس و الله مـا احسـب انهـا غابـت!!!!

مشعل غريب ا لضوي..
جميل ان اكون اول متصفح لرائعتك
مشاعر رائعه واحساس مرهف
الابداع هنا يعلن حضوره
تقبل خالص التحايا...

..الجوهـــــــــــــــره...

**مشعل الضوي** · 11/02/07, (09:32 PM)

الجوهرة...........

وجودك هنا هو الاجمل ...............

وحضورك الرائع زاد من جمالها.............

تقبلي تحياتي.......

**عبدالله عايد** · 10/02/07, (12:46 AM)

عـجــزت لا أستـسـيـغ فـراقــك وجــــوره
و نفسـي عـن اسـم الرحيـل وغيبتـي تـابـت
روحي...اقطفي من قصيدي أجمل زهوره
مــن شـاعـر مـــا يـقــول القـافـيـة شـابــت
أنـتـي قصـيـدة غـــزل بـالـحـب مـغـمـوره
آسف..أنا أخطيت... نفسي بهـذي ارتابـت
أنـتـي لــو انــك قصـيـدة شـعـر يــا نـــوره
إن كــان شــاورت بـــك عـبــدالله الـثـابـت

الشاعر المبدع الراائع مشعل الضوي

اتيت بهذه الرائعة كي تنسينا عتب تأخرك علينا

ولن ننسى لاننا ننتظرك بفارغ الصبر ولكن لن نعاتبك فقد ارضيتنا وامتعتنا

مشعل الضوي صح لسانك مدد بلا عدد

قصيدة راائعة راائعة تعجز احرفي عن وصفها

ولا املك تعابير اقولها لك . سوا ابدعت وليس بغريب عليك هذا الابداع .

مشعل صح لسانك مرة اخرى وتقبل فائق تحياتي لجنابك .

**مشعل الضوي** · 12/02/07, (10:01 PM)

المبدع والرائع عبدالله عايد...........

هاأنا اسجل نجاح فخر بوجودك بمتصفحي..........

كلماتك وسام على صدري ............

عبدالله لك كل الشكر والتقدير على هذه الاشادة الرائعة...............

أخيرا صح بدنك و اتمنى ان أرى رضا متذوقي الشعر عن ما يقدمه مشعل الضوي.............

لك كل التحايا.........

**هندي المقبل** · 10/02/07, (12:50 AM)

مبدع كعادتك

مشعل لك كل الود وصح الله السانك على هذه الرائعه

**مشعل الضوي** · 12/02/07, (10:04 PM)

السيف أهلا وسهلا بك في متصفحي الذي ان كان به جمال فهو جمال وجودكم.............

لك كل التقدير على كلماتك .............

تقبل تحياتي..............