يمه دخيلك وأنا أن قلت يمه ... شوفي لحزني والمواجع طريقة

[أشجان]

يمه عساني ما أزعجتك يا يمه
أحس في صدري عذاب وحريقة

يضمني حزني وأنا حيل أضمه
كنه ضناي وشوفته شوف ضيقة

يمه وأنا بنتك وإذا قلت يمه
شوفي لحزني والمواجع طريقة

ضميني لصدرك ثمانين ضمه
ضمة عشيق ٍ مايفارق عشيقه

وكانك سألتي خاطري ويش همه
بعلمك وأبي جواب الحقيقة

ليه الزمن اليوم مافيه ذمة ؟!!
وليه الطعون اللي بظهري عميقة ؟!!

وليه الولد يبوق في بنت عمه ؟!!
وليه الرفيق يخون عشرة رفيقه ؟!!

وليه أنخدع في ناس كانت مهمة ؟!!
ويوم أكتشفها وهم ماله حقيقة ؟!!

وليه الذي وقت الرخا كان قمة
و وقت الشدايد مالقينا طريقة ؟!!

وليه الحسد يمي من عيون عمه ؟!!
وليه الخطا لو قلت كلمة رقيقة ؟!!

أزيد يمه ولا كافي مغمة ؟!!
أشوف عينك من هماها غريقة

يمه دخيلك آسفة آآه يمه
كني جرحتك وأنتي أغلا صديقة

أعجبتي فنقلتها لكم

[سندريلا]

نقل مميز ينم عن ذائقه راقيه


تسلمين اشجان

[صالح العرجان]

وليه الذي وقت الرخا كان قمة
و وقت الشدايد مالقينا طريقة ؟!!



أشجان


شجن جميل لابيات رأئعه


رد ود