ما أحب فالدنيا سواك أنتي .. وأمّي النصر

[بندر]

هذي قصيده اعجبتني جدآ

مع أني هلالي بس قصيده رائعه

ولا اخفي عليكم تمنيت الشاعر قال





يا سيّدة كـل البنـات وفاتنـة هـذا العصـر
آن الأوان أن اعترف لك واطلق عنان الخيـال

مابيك يا بنت الحجاز!! وقلعتك يا أنثى مصر
مادام نجد تضم بين أحضانها تـرف الجمـال

أم النعومه .. واللّيونه .. وأفتخر بأم القِصـر
لن القِصِر أصل الذهب توحون يالناس الطوال

شبعة ربيع أردافها سـوّت مجاعـه للخصِـر
لين إختلف تكوينها بين الضخامـه والهـزال

ملبوسها ثوب الحرير .. وساكنه بأفخم قصـر
وتحبّني لو إنّني ما أملك ولـو حتّـى ريـال

أعمى ونظرة عينها أخفت ما بقى لي من بصر
عين الظبي اللّي رمشها من تحت حاجبها ظلال

سوّاق باص الجامعـه ردّد لهـا بالمختصـر
لبيّه واللّـه يسعـدك يـا ليتـك أمُ للعيـال

مافات ذكره آنفاً ماهوب من بـاب الحصـر
بس إسمعي بيتي الأخير وبأنهي أطراف الجِدال

ما أحب فالدنيا سواك أنتي .. وأمّي النصر
وأكره ثلاث البعد والفرقـا وتشجيـع الهـلال


ولا اخفي عليكم تمنيت الشاعر قال


ما أحب فالدنيا سواك أنتي .. وأمّي الهلال
وأكره ثلاث البعد والفرقـا وتشجيـع النصر




تقبلو تحياتي



بندر

[سندريلا]

هههههههههههههههه لاتغير على كيفك يابندر


عموما قصيدة رائعة صح لسان شاعرها وتسلم يد ناقلها


دمت بود

[بندر]

المشاركة الأصلية كتبت بواسطة سندريلا

هههههههههههههههه لاتغير على كيفك يابندر


عموما قصيدة رائعة صح لسان شاعرها وتسلم يد ناقلها


دمت بود

ماغيرت شي

عموما مشكوره على مرورك والله يعطيك العافيه

[عبدالله الفهد]

صح لسان شاعرها


ولا يهون ناقلها بس بدون تتغير


لاني نصراوي للنخاع

[بندر]

المشاركة الأصلية كتبت بواسطة عبدالله الفهد

صح لسان شاعرها


ولا يهون ناقلها بس بدون تتغير


لاني نصراوي للنخاع

لا هنت والله انا لقيت القصيده كذا ونقلتها لكم


مشكور على مرورك اخوي


واذا قصدك ان النصر اول قبل الهلال والله ما ادري عنها

[الشمالي]

هههههههههههههههههههههههههههه@






معذوووور والله الشاعر





أنا اشهد أني القصيررررررررررره عذااااااب







نويدر