,’,’,’ عـــلى كيـــفي,’,’,’

[مشاعر حالمه]

السلام عليكم ورحمة الله وبركاته ..

اللي يضايقني ويأثر علي انه في أناس مايحبون البنات يكتبون الشعر

وانا من فترة طويله كتبت هالقصيده ونزلتها في كذا منتدى

وحبيت انزلها هنا بشبكة ويلان علشان تستمتعون بقرايتها وتعطوني رآيكم ^__^

أبي ابدأ بذكر الله .. وبأكتب كل ماياتي

بارتب شعري بكيفــي ..وكلاً يدلـــي بـ رايـه..

ماهوب عيبٍ اذا بنيه ..وتكتب شعر وأبياتي ..

وابي اكتب واتفنن ..وأكيـــد بارفــع الرايــه ..

كلامــي مصدره عقلي ..وينبع من وسط ذاتي ..

كثيــر الشعر ماينفع ..قليله يحتـــوي غـــايــه ..

رضا ربّي بعده اهلي...يصير أهم غايــاتي..

أحط الشعـر بكتابي ...واسوي رمز وحمـــايه ..

انـــا يالله داخـــلةٍ ..عليـــك تزين هقــــــــواتي...

ابحكي قصتي للنــاس ..ويمكن تصبح حكايــه ..

وجدي وجد مكسورٍ ...طوال الليل مابـــاتي ..

دموعه كنها وابل ...تصـــب ومالها نهـــايــه ..

أنا ماودي أحكيــها ..يضيق الصــدر بآهاتي ..

ابترك همّي بقلبي ..واطلب ربي هدايه.

وآخر مطلبي يارب ..تغفر كل مافــــاتي...

وتحفظني من اللي .. كل همه ينقل وشاية


تحيتي لكم / مشاعر حالمه ..

[حمد الوايلي]

مشاعر حالمه

اما بالنسبه للبنات والشعر فهذي قضيه لها آراء كثيره ومنها ان البنت تنقد اذا انتدرجت بالشعر الغزلي والتعليل في ذالك هو انها بهذا الشي تتخطى حدود الستر على النفس والحياء اولى لها اما بالنسبه لشعر غير الغزل فلها المجال مفتوح دون اي عوائق




قصيده رائعه وجميله وسلسه


صح لسانك

[مشاري بن جلوي]

مشاعر حالمه صح السانك حضور جميل ونزف مميز



دمتي بهذا الابدااع




تقبلي تحياتي

[مشاعر حالمه]

حمد الوايلي..

ارحب يالقرم ..

والله صدقت في كلامك ...والحياء شعبه من الايمان ...

وانا أتفادى شعر الغزل في قصايدي ...لأني ( استحي والله )

بس انه في أحيان أشوف أشياء قدامي تحصل لفتيات بريئات واكتب أبيات نيابة عنهن ..

وللعلم اني مانشرها أبداً ...

صح بدنك ولاهنت والله

تسلم ع المرور الطيّب يالطّيب ولاهنت ..

تحيتي لك / مشاعر حالمه ..

[مشاعر حالمه]

مشاري بن جلوي ...


صح بدنك يالقرم ولاهنت والله ع المرور الكريم ..


تحيتي لك / مشاعر حالمه ...

[مزيد المزيد]

مشاعر حالمه


هلابك معنا وحياك الله من جديد


اسلوب جميل وتسلسل رائع


لاهنتي على كل حرف كتبه احساسك وبوحك



دمتي بخير

[تركي صالح]

الاخت / مشاعر حالمه

دمتي وسلمتي على هذه الابيات الرائعه والجميله

أبيات تستحق الاشاده والاعجاب

لجمالها وروعتها

الله لايهينك يا أخت مشاعر حالمه

على ما قدمته لنا

وتقبلي فائق التقدير والاحترام