صفقوا لي صفقوا لي قبل لا ابدا بالقصيـده=لني ان هلت حروفي مـو بعيـد تصفقونـي
تزعلون ولا علـيّ وكـل مـا قلتـه بعيـده=والله اني عاشقٍ ماتـوب حتـى تذبحونـي
باختصار وجاكم المضمون في جملـه مفيـده=( انها تسوي جميع الناس في نظرة عيوني )
حبها في وسط قلبي.. ثابت وأصل وعقيـدة=مؤمنٍ فيهـا ومسلـم وان بغيتـم كفرونـي
قدرها فوق الشيوخ وكـل ذو قـدر ٍ تزيـده=وفوق عن كل القبايل.. طز يا اللي تعذلونـي
ايه انا طايش بحبي طز يا عقـولٍ رشيـده=مغرم ومفتون فيها وفـي محبتهـا جنونـي
ما أبي اسمـع نصيحـه لا ولا اّراءٍ سديـده=هي حياتي هي طموحي ريحو لا تنصحونـي
لو اخوي اخطا عليها والله اني كـود ابيـده=اذبحه واذبح جميع اللي يبـون يعارضونـي
ما اتخاذل في هواها عزوتي نفـسٍ شديـده=من كثر ماهي عطتني اّه يا ما اكثر ديونـي
لو تريد المستحيله غير اجيب اللـي تريـده=لجلها ما من محال وكل ما يصعـب يهونـي
اّه يا عمري عساك بكـل لحظاتـك سعيـده=راحتك راحة حبيبك استريحي يـا شجونـي
من بني جنسك كثير ولا انتي البنت الوحيده=بس انا ما اشوف غيرك لو كثير يغازلونـي
اشكره ربي تعالى حـط بـك ميـزه فريـده=ميزك لين ارتفعتي بالسما عـن كـل دونـي
ايه ابا اكرر كلامي وارفع الصـوت واعيـده=يمكن انه به ناس منكم في هـواي يأيدونـي
السعوديه هواي وباسمهـا تحـلا القصيـده=إن رضيتم صفقوا لي وان زعلتم صفقونـي