17/02/06, (10:47 PM)
|
المشاركة رقم: 1
|
| المعلومات |
| الكاتب: |
|
| اللقب: |
عضو نشيط جدا |
| البيانات |
| التسجيل: |
11/06/05 |
| العضوية: |
263 |
| الدولة: |
ويلان في كل الديار انتشرنا |
| المشاركات: |
424 |
| بمعدل : |
0.06 يوميا |
| معدل التقييم: |
60 |
| نقاط التقييم: |
50 |
 |
| الإتصالات |
| الحالة: |
|
| وسائل الإتصال: |
|
|
المنتدى :
منتدي الشعراء
المسيكي يحــتفـل بـعـيـــد الحـب ...
"][MOVE="left"]السلام عليكم ورحمة الله ،،،
مساكم الله بالخير جميــعا ......
عيــــــــد الحــــــــب .....
تعرفون يالربع انه قبل كم يوم كان فيه بعض المرجــّج احتلفوا بعيد الحب والبس حمر ولبسني حمر وما الى اخره من هالخرابيط والتفاهات اللي بعضنا يسويها اليوم ،،،،،،
الوكـــاد ،، وبالتحديد هاكاليوم ...يوم عيد الحب مثل ماقيل جاني حدا اخوياي وأنا بالكلية وأنا عند السيارة وقام يضحك ويقول من العايدين ،، أنا على وجهي مافطنت لقوله ولاني يمّه ..
ثم قال أجيب لك وردة حمراء ..قلت أنت وش بلاك يارجل
قال والزينه اللي معلقه بالسياره ...
طبعا تخبرون العطر ابو خيط اللي يعلقونه بالسيارات (لاتزرون علي مدري وش يقاله)، ،، اثري الماخوذ شايفه ولونه حمر ،، والمصيبه انه قلب مدري وشلون قايل ببعضه ومكتوب عليه كتابه I LOVE YOUوفيه كتابتن ثانية مدري وشي بعد
وهذا حطيته من هالسنه له اكثر من شهرين ونسيته ولا همني ولا اشقاني ولا بلشت به خير شر....
الوكاد خويّي يمزح مايقصد شي ..ويدري وهو خابرها ..بس عاد انا قلت بهالمناسبه هالقصيدة ..
وهذي وزّيت بها بالنار ذليت أطشها يتذابحون عندها بعض الناس ،، اخبر يدورونها دوره بهالوقت ...
والقصيده هي[E] [/E]
ياناشد ٍ عن قــلـب مـدمـج بقـلبـيـن = أحمـر معـطّـر فيه كـلـمه أجنبيّه
بالددسـن اللي قـلت ثمانيه وتسعين = بـوسط الغـماره بـسبحة ٍ لـولـحيّه
لــونـه حـمـر تـقول هذي البراهين = وزريت شفتـك يوم تبـدي التحيــّه
زريت وأهل الطيـب لاشــك زاريـن = ومــن لا زرا مـابقـلبه الغــــايريّه
ولاتحسب إنّا ياابيض الــوجه غـادين = حنـــــا نعــرف المقــديه والخـطـيّه
وعيــد ٍ ذكرته مالنا فيه تدشين = هـــذاك للي طـــــامــل ٍ بــــالـــرديـّه
ولا خابر ٍ ياخوك ياكـود عـيدين = عـيـد رمـضان وعـقـب عـيـد الضـحيـّه
واللي اتلولح علّقت قبل شهرين = علمي بها من قــبل تــاتي القضيه
وأنت الذي فطّنتني كل تفطين = لكن غـديت وقــلت ماقـــلـت بيّــه
وذكرتني يالقرم بناس ٍ مساكين = اللي غــدو باللـــبس مثـــل البـنــيّه
ولابــاقي ٍ ياغـيـر لبـس الفساتين = لا والله ألا أطرولها مرجــــــعيّه
اللي حديهم غادي ٍ دون توزين =فيه البلا وصار البلا هو خويّه
الثوب ضيّـــق بــاين ٍ فيه كل شين = يمـشي يطيـح يقـوم بـروحـه وتيّه
يمشي بقيـده مثل مشـي البعارين = ثــوبه يحـــزّه حـــزّ حــزّ البليّه
ومن غيـرها تحمـير لون الشفاتين = ملـطـّـخـه من كـــل شكـــل ٍ مليّه
أنــواع منها وفـوق درزن كـراتين = وليـا قـضى يـــروح يــم الصـبـيّه
بهذا الزمــان وزيد من فوق جنسين = جنـس ٍ ثالـث وحــاوي ٍ للخزيّه
هذي صفـاته لا تقـولون تخـمـين = لـو كــان جــده حـــامي ٍ للــونيّـه
لو اعتلا من فوق عوص ٍ مراسين = والا بـرز من فـوق بنـت العبيّه
اليوم عقبه صــار يتلي المــغنّين = لا وا هنيّه بالردى وا هــنيّه
السلم ضــاع ولا بقى كود تدوين = والدور الأول زيــح مثل الطخيّه
دور ٍ هله حلوين وأقـول حلوين = لو الشـقا والجــوع فـيــه الـمزيّه
حيـاتـهم نــــادين وألا مقـــاطين = ولّـوا هـله أهــل الــوفـا والــحـمـيّه
عزالله إنه خير من وقتـنا الحين = لــو الـدراهـــم بالمخـابي مخبــيّـه
عندي على ماقلت صدق المضامين= القصد واضح والحقايق جليّه
نبذه عطينا والظواهر عناوين = ولا أريد أفتّش بالأمور الخفيّه
وصلوا على اللي بلّغ الحق والدين =محمد رسول الله خير البريّه
وسلااااااااامتكم
فهد عبدالعزيز العنزي
| توقيع : المسيكي |
|
[poem font="Arial,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كن سائراً في ذا الزمان بسيره=وعن الورى كن راهباّ في ديره
واغسل يديك من الزمان وأهله=واحذر مودتهم تنل من خيره
إني اطلعت فلم أجد لي صاحباً=أصحبه في الدهر ولا في غيره
فتركت أسفلهم لكثرة شره=وتركت اعلاهم لقلة خيره
[/poem] |
|
|
|
العرض المتطور
